पीडित परिवारलाई सम्मान र हौसला
नेपालबहस संवाददाता
मंसिर २३, २०७७ मंगलबार १२:२:८
२२ मंसिर, सप्तरी । “पापीहरुले बलात्कार गरे, पञ्चहरुले आत्महत्या गर्न बाध्य पारे ।” सप्तरीको डाक्नेश्वरी नगरपालिका–७ ललितपुरकी १७ वर्षीया संगीता मण्डलको सामुहिक बलात्कार पछि कारवाही गर्न पञ्चहरुले नरोकेको भए, अस्मिताको मूल्य तोक्दै दुव्र्यवहार र अपमान नगरेको भए शायद संगीताले आत्महत्याको बाटो रोज्दिन थिइन् ।
संगीताकी आमा रधियादेबी मण्डलले सोमबार राजविराजस्थित दशन चोकमा आयोजित कार्यक्रममा संगीतालाई न्याय दिलाउनुको साटो मृत्यु रोज्न गाउँलेहरुले नै वाध्य पारेको बताइन् । लैङ्गिक हिंसा विरुद्धको १६ दिने अभियान मूल समारोह समितिको आयोजनामा भएको हिंसा पीडित परिवारलाई हौसला प्रदान कार्यक्रममा रधियाले घरखेतको काममा सघाउने छोरी संगीताको अस्मिताको मूल्य गाउँलेहरुले तोकेर अपमान गरेकाले नै उनले पासो लगाएर मृत्यु रोजेको दुखेसो पोखिन् ।
यसैगरी राजविराज १३ घर भई राजविराज २ मा बस्दै आएकी बिजयादेबी यादवले घरेलु हिंसाबाट वर्षौदेखि प्रताडित रहे पनि न्याय पाउने आशामा संघर्षबाट नथाकेको बताइन् । उनका श्रीमान सशस्त्र इन्स्पेक्टर रामचरण यादवले परित्याग गरी छोराछोरीलाई समेत भेंटघाट गर्न नदिएको यादवले गुनासो राखिन् । आम्दानीको स्रोत नभएको र सहमति बमोजिम पठाउनु पर्ने रकम लकडाउनको मौका छोपी आठ महिनादेखि श्रीमानले नपठाएको बताउँदै यादवले अब आइन्दा कुटपिट नगर्ने भनी प्रहरी कार्यालयमा लिखित सहमति गरेपनि श्रीमान र जेठाजुबाट शारिरीक र मानसिक यातना भोग्दै आएको बताइन् ।
उनले प्रहरी, सशस्त्र प्रहरी, राष्ट्रिय मानवअधिकार आयोग, राष्ट्रिय महिला आयोग, गृह मन्त्रालय, प्रधानमन्त्रीको कार्यालयमा पटक–पटक उजुरी दिएपनि न्याय नपाएको बताइन् । हिंसा पीडितलाई हौसला प्रदान गर्ने कार्यक्रम बमोजिम मूल समारोह समितिले आयोजना गरेको उक्त कार्यक्रममा दहेज मुक्त मिथिला नेपालकी अध्यक्ष करुणा झाले मण्डल र यादवलाई दोसल्ला ओढाउँदै जनही नगद पाँच हजार प्रदान गरिन् ।
आँट, भरोसा र आशा दिने भन्दा धम्क्याउने बढी भएकोले एक्लो अनुभव गरिरहेका बेला प्राप्त सहयोग र सम्मानले हौसला बढेको उनीहरुले बताए ।
कार्यक्रममा मूल समारोह समितिका संयोजक मनोहर पोखरेल, दहेज मुक्त मिथिलाकी अध्यक्ष झा, सहप्राध्यापक अशोककुमार झा, मैथिली महिला परिषद्की पूर्व अध्यक्ष सुमित्रा दास, राजविराज जेसीजकी अध्यक्ष नानीमैया कटवालले हिंसा पीडितहरुलाई जिविकोपार्जजका लागि मूल समारोह समितिले चाँडै योजना ल्याउने बताए ।
दहेज मुक्त मिथिलाको संयोजनमा भएको सो कार्यक्रममा हिंसाका विरुद्ध आवाज उठाउन र एक्लो महसुस नगर्न आग्रह गर्दै वक्ताहरुले न्यायका लागि आवाज उठाएमा नै अपराधीहरुलाई कारवाही गर्न सकिने बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपवीरगञ्जमा व्यापारी कुशवाह र गुप्ताको गोदामबाट सवा १ करोडका कपडा बरामद
बैशाख ७, २०८१ शुक्रबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मधेशमा तीन मन्त्री र एक राज्यमन्त्रीले लिए शपथ
बैशाख ६, २०८१ बिहिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
युएईसँग हारेसँगै नेपाल एशिया कपमा छनौट हुन असफल
बैशाख ७, २०८१ शुक्रबार
अब हामी देशमा अर्को उथलपुथल ल्याउँछौँः माधव नेपाल
बैशाख ८, २०८१ शनिबार
गोदावरीमा एमाले महाधिवेशन प्रतिनिधि परिषद्को बैठक, ओलीले पेश गरे राजनीतिक प्रतिवेदन
बैशाख ८, २०८१ शनिबार
दामदार र आर्थिक चलखेल हुने विभागमा एमाले र माओवादीको तानातान, समय नपुग्दै सरुवा
बैशाख ८, २०८१ शनिबार
मुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार
सडक बालबालिकाः पहिचान पाउन अझै पनि कठिन
बैशाख ८, २०८१ शनिबार