सर्वोच्च शिखर सगरमाथाको उचाई जम्मा ८६ सेन्टिमिटर बढ्याे

२३ मंसिर, काठमाडाैं । लामो तामझाम र करोडौं खर्च गरेपछि सार्वजनिक गरिएको विश्वको सर्वोच्च शिखर सगरमाथाको उचाई जम्मा ८६ सेन्टिमिटर बढेको बताइएको छ । नेपाल र चीनले छुट्टाछुट्टै गरेको नापमा सर्वोच्च शिखर सगरमाथाको उचाई ८६ सेन्टी मिटर बढेको छ ।

यसअघि ८ हजार ८४८ मिटर उचाई रहेको सगरमाथाको नयाँ उचाई अब ८ हजार ८४८.८६ मिटर पुगेको छ । नेपाल र चीनले मापन गरेको नयाँ एक कार्यक्रमकाबीच पररष्ट्रमन्त्री प्रदीप ज्ञवाली र चिनियाँ विदेशमन्त्री वाङ यीले नयाँ उचाई सार्वजनिक गरेका हुन् ।

सन् २०१९ मा चीनका राष्ट्रपति सी चिनफिङले नेपाल भ्रमण गर्ने क्रममा दुई देशले संयुक्त रुपमा सगरमाथाको उचाइ मापन गर्ने सहमति भएको थियो ।

यसअघि सर्वे अफ इण्डियाले सन् १९५४ मा सगरमाथाको उचाइ मापन गरेको थियो । सोही उचाई नै अहिलेसम्म कायम थियो । अब सगरमाथाको नयाँ उचाई लागू हुनेछ ।