लुम्बिनी विकास बैंकले २७ करोड १६ लाख बराबरको लाभांश बाँड्ने

२३ मंसिर, काठमाडौं । लुम्बिनी विकास बैंक लिमिटेडले आर्थिक वर्ष २०७६/७७ को मुनाफाबाट शेयरधनीहरुलाई वितरण गर्ने लाभांश घोषणा गरेको छ। बैंकले हाल कायम चुक्ता पूँजीको ७ प्रतिशत बोनस शेयर र बोनस तथा नगद लाभांशमा लाग्ने कर सहित ३ प्रतिशत नगद लाभांश गरी कुल १० प्रतिशत लाभांश वितरण गर्ने घोषणा गरेको छ।

मंसिर २३ गते बसेको बैंकको सञ्चालक समितिको बैठकले सो दरमा लाभांश वितरण गर्ने निर्णय गरेको हो । नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण हुने छ ।

प्रस्तावित नगद लाभांश ८ कराेड १४ लाख ८९ हजार तीन सय ५१ रूपैयाँबाट बाेनसमा लाग्ने कर कट्टा गरेपछि बाँकी रकम र ७ प्रतिशत बाेनस शेयर शेयरधनीले पाउने छन् ।