आज क्याबिनेट बैठक बस्दै, संवैधानिक परिषद आइतबार !

२५ मंसिर, काठमाडौं । पार्टी भित्रको किचलो मिलाउन नसकेका नेकपा अध्यक्षसमेत रहेका प्रधानमन्त्री केपी ओलीले अब कस्तो कदम चाल्लान् भन्ने जिज्ञाशा धेरैले राखेका छन् ।

नेताहरुलाई फुटाउने उनको प्रयास जारीछ, यद्यपि उनी त्यसमा सफल भने हुन सकिरहेका छैनन् । यस्तै अन्योलका बीच आज साँझ ४ बजे ओलीले मन्त्रिमण्डलको बैठक डाकेका छन् । बैठक नियमित भनिएपनि के अजेण्डा हो भन्ने प्रष्ट छैन ।

यस्तै बालुवाटार स्रोतका अनुसार, पर्सि मंसिर २८ गते आइतबार बिहान ९ बजेका लागि संवैधानिक परिषदको बैठकसमेत उनले बोलाएकाछन् ।  संवैधानिक आयोगहरुमा रिक्त पदपूर्तिका लागि लामो सयमदेखि भागबण्डा चलिरहेका बेला ओलीले बैठक बोलाएकाछन् ।