माहुली लघुवित्तको शेयर सुचिकरण, आइतबारदेखि दोस्रो बजारमा कारोबार

२५ मंसिर, काठमाडौं । नेपाल स्टक एक्सचेञ्जमा माहुली लघुवित्त वित्तय संस्था लिमिटेडको ६ लाख ४२ हजार दुई सय कित्ता शेयर सुचिकरण भएको छ । नेप्सेले महुली लघुवित्तको कारोबार फुकुवा गरेसँगै अब शेयर दोस्रो बजारमा कारोबारको लागि खुला भएको छ ।

त्यस्तै मर्जर प्रयोजनको लागि रोक्का रहेको महुली लघुवित्तको शेयर कारोबार समेत फुकुवा भएको छ। अब आइतबारदेखि लघुवित्तको शेयर दोस्रो बजारमा कारोबार गर्न सकिने छ।

साविकको नव किरण लघुवित्त वित्तिय संस्था र माहुली लघुवित्त वित्तिय संस्था आपसमा गाभिंदा कायम भएको उक्त परिमाणको शेयर आज नेप्सेमा सुचिकृत भएको हो । शेयर सुचीकरण भएसँगै दोस्रो बजारमा कारेबार फुकुवा भएको छ । दुवै संस्था गाभिंदा १००ः९५ शेयरको अनुपातमा आपसमा गाभिएका थिए ।