विवेकशील साझाकाे एकता भएको खुशीयालीमा स्याङजामा दिप प्रज्वलन

◊ निर्मल भट्टराई  

२६ मंसिर, स्याङजा । विभाजनको २३ महिना ३३ दिनपछि साझा पार्टी र विवेकशील नेपाली दलबीच एकता भएको खुशीयालीमा स्याङजामा दिप प्रज्वलन गरिएको छ । दुई दलका नेताहरुबीच ३१ असारबाट सुरु भएको संवाद र परामर्श २४ मंसिरमा एकतामा परिणत भएपछि आज शुक्रबार साँझा युवा संगठन गल्याङले गल्याङ नया बजारमा दिप प्रज्वलन कार्यक्रम आयोजना गरेको हो।

साझा युवा संगठन गण्डकी प्रदेश अभियान विभाग प्रमुख सुमन भट्टराई को अध्यक्षता भएको छ। उहाले यो एकता दुई पार्टि बिचको मात्र नभै देशको विकास हुने आशाको एकता तथा देश विकास गर्ने लक्ष्य बोकेका युवाहरूको एकता भएको बताए ।

साथै कार्यक्रममा साझा युवा संगठन गल्याङको संयोजक अनुप मगरले देशमा बढदो बेथिति भ्रष्टाचार र चल्तिको राजनीतिक दलले डेलिभरी दिन नसकेको बेलामा भएको एकताले नेपालि जन्तामा नया उमंग ल्याएको बताए ।

त्यसतै सझा युवा गल्याङको आर्थिक विभाग प्रमुख सलाम मनसुरले समाजमा हुने कुसंस्कारयुक्त राजनीति लाई विस्थापित गर्दै सुसन्स्कृत राजनीतिको स्थापना गर्न निरन्तर लागिरहने बताए भने, अभियान विभाग प्रमुख अमित थापा मगरले अब जनताको घरघरमा जन्तालाइ फाइदा हुने थुप्रै योजना लिएर जाने योजना बनाएका र छिटै परिणाममुखी काम गर्ने बताए ।