काठमाडौंमा ह्वात्तै चिसो बढ्यो

२८ मंसिर, काठमाडौं । पछिल्लो समय बढेको जलवायु परिवर्तनका कारण काठमाडौंमा चिसो बढेको छ । काठमाडौं उपत्यकाको न्यूनतम तापक्रम ४ दशमलव ५ डिग्री सेल्सियस मापन गरिदा चिसो ह्वात्तै बढेको महसुस भएको छ ।

मौसमविद विभूति पोखरेलका अनुसार शनिबार बिहान काठमाडौं उपत्यकाको न्यूनतम तापक्रम ९ दशमलव ६ डिग्री सेल्सियस थियो । जल तथा मौसम विज्ञान विभागको मौसम पूर्वानुमान महाशाखाका अनुसार अहिले नेपालमा पश्चिमी वायुको आंशिक प्रभाव छ ।

यसैगरी प्रदेश नं १ र बागमती प्रदेशमा आंशिक बदलीको अवस्था छ । तर पानी पर्ने सम्भावना भने नरहेको मौसमविद पोखरेलको भनाई छ ।