प्रम ओलीको कार्यशैली: काग कराउँदै गर्छ, हात्ती लम्कँदैछ

समाचार टिप्पणी

२८ मंसिर, काठमाडौं । प्रधानमन्त्री केपी ओली यतिबेला नेपाल कम्युनिष्ट पार्टीभित्र गम्भिर संकटमा छन् । प्रधानमन्त्री भएदेखि शासनसत्तामा एकलौटी गरेको उनीमाथिको संगीन आरोप हो । अर्का अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपालले ओली शासनकालमा केही नपाउने अवस्था सिर्जना भएपछि विद्रोह थालेका हुन् । यद्यपि रुपमा भने पार्टीभित्रको विवादलाई सिद्धान्त, विधि पद्धतिको लेप घसिएको छ ।

सबैलाई थाहा छ , भागबण्डा मिल्ने हो भने नेकपाभित्रको झगडा अहिल्यै मिल्नेछ । असन्तुष्ट नेताहरुको नाडी छामेका ओली त्यसैले डगेका छैनन् । बहुमतको ध्वाँस दिएपनि प्रचण्ड–नेपाल मण्डलीको ल्याकत कति हो, उनलाई राम्रो ज्ञान छ । त्यसैले उनी सचिवालय होस् की स्थायी कमिटी बैठकलाई बाल गन्दैनन् । बरु नेताहरुलाई लोप्पा ख्वाउने गरी ओलीले आज बिहान ९ बजेका लागि संवैधानिक परिषदको बैठक डाकेका थिए ।

बैठकमा भागबण्डा गर्न उनले बरु विपक्षी दलका नेता शेरबहादुर देउवालाई शुक्रबार नै बालुवाटार डाकेका थिए । दुई नेताबीच छलफल भयो । ओलीले एकल निर्णय गर्ने संकेत गर्दै विपक्षी दलका नेतालाई भागबण्डा दिने आसय व्यक्त गरे । तर उनले पार्टी नेताहरुसँग यसबारे छलफल गर्न रुची देखाएनन् । जबकी नेताहरुबीच अहिले उत्कर्षमा पुगेको विवादको जड नै ओलीको एकलौटीपन हो ।

ओली अरुलाई अल्मल्याएर आफ्नो अभिष्ट पूरा गर्ने प्रवृत्तिका व्यक्ति हुन् । नत्र स्थायी कमिटी बैठक राखेकै दिन उनले विवादको जड रहेको नियुक्ति प्रक्रिया अगाडि बढाउने हिम्मत पक्कै गर्ने थिएनन् । ओलीको यो कदमले दिएको सन्देश के हो भने – तिमीहरु ( प्रचण्ड–नेपाल) जतिसुकै कराउ, उफ्र, म बाल गन्दिन । जे सक्छौ गर, म आफ्नो लक्ष्यमा अडिग छु ।

तर कांग्रेसले भोलि सरकारविरुद्ध देशव्यापी रुपमा विरोध प्रदर्शन गर्ने कार्यक्रम तय भइसकेको थियो । यो पृष्ठभूमिमा आज सरकारसँग भागबण्डा गरेको सन्देश जाने गरी सहमति हुँदा भोलिको विरोध कार्यक्रम प्रभावित हुने ठहर कांग्रेसले गर्यो । त्यसैले आज बिहान देउवा अनुुपस्थित हुुने जानकारी दिइयो । उता, परिषदका अर्का सदस्य सभामुख अग्निप्रसाद सापकोटासमेत बैठकमा अनुपस्थित हुने जनाउ दिएकाले बैठक स्थगित भएको छ ।

परिस्थिति नविग्रिएको भए आजै ओलीले आफ्ना मानिसलाई नियुक्तिको सिफारिश गर्नेवाला थिए । हाल ११ वटा संवैधानिक आयोगका ४५ पद रिक्त छन् । तिनमा कांग्रेसलाई केही थान दिएर बाँकी सबैमा ओलीले आफूनिकटलाई नियुक्त गर्ने तयारी गरेका थिए ।

ओलीको यो तयारीले पार्टीभित्र फेरि सहमति वा भागबण्डाको कुरा गर्नु आफैंमा फत्तुुर गफ मात्र हो । ओली अरुलाई अल्मल्याएर आफ्नो अभिष्ट पूरा गर्ने प्रवृत्तिका व्यक्ति हुन् । नत्र स्थायी कमिटी बैठक राखेकै दिन उनले विवादको जड रहेको नियुक्ति प्रक्रिया अगाडि बढाउने हिम्मत पक्कै गर्ने थिएनन् । ओलीको यो कदमले दिएको सन्देश के हो भने – तिमीहरु ( प्रचण्ड–नेपाल) जतिसुकै कराउ, उफ्र, म बाल गन्दिन । जे सक्छौ गर, म आफ्नो लक्ष्यमा अडिग छु ।

पाँच वर्षे कार्यकाल एकलौटी गर्न चाहन्छन् । कसैलाई ढिम्किन दिने पक्षमा उनी छैनन् । यद्यपि उनका दूतहरु भने सबैलाई मिलाएर जान ओली तयार रहेको भाषण गर्न उद्यत् छन् । संवैधानिक नियुक्ति गरिसकेपछि भागबण्डा वा सहमतिको कुनै गुञ्जायस रहनेवाला छैन । किन र केका लागि सहमति भन्ने प्रश्न आउँछ भन्ने सबैले बुझेकै हुन् ।

संवैधानिक परिषद बैठक नहुने वातावरण बनेकाले आजको स्थायी कमिटीमा ओली सहभागी हुने भएका हुन् । त्यसैले पार्टी मुख्यालय धुुम्बाराहीमा बस्न थालेको बैठक आज बालुवाटार सारिएको छ । साथै, आजको बैठकमा कुुनै अजेण्डामाथि छलफल नगर्ने तय छ । किनभने आजको बैठकको अजेण्डा पार्टी नेता कमानसिंह लामाप्रति शोक व्यक्त गर्ने मात्र छ । यस्तो प्रचलन नेकपामा लामो समयदेखि कायम छ । आजको बैठकले छलफल गर्ने नयाँ मिति तोक्ने छ ।

संभवतः भोलि वा पर्सि नै नयाँ मिति तय होला । तर ओलीका लागि ती बैठकको कुनै माने छैन । किनभने बैठक बसिरहन्छ, ओली आफ्नो काम गरिरहन्छन् । काग कराउँदै गर्छ, पिना सुकिरहन्छ । संवैधानिक परिषदले गर्ने निर्णय भागबण्डा वा मिलाएर गर्नुपर्ने ठम्याई ओलीको थियो भने यसबारे कम्तिमा प्रचण्डसँग छलफल गर्ने थिए । त्यो पटक्कै भएन ।

त्यसको अर्थ ओली अझैपनि कसैलाई गन्दैनन् । पाँच वर्षे कार्यकाल एकलौटी गर्न चाहन्छन् । कसैलाई ढिम्किन दिने पक्षमा उनी छैनन् । यद्यपि उनका दूतहरु भने सबैलाई मिलाएर जान ओली तयार रहेको भाषण गर्न उद्यत् छन् । संवैधानिक नियुक्ति गरिसकेपछि भागबण्डा वा सहमतिको कुनै गुञ्जायस रहनेवाला छैन । किन र केका लागि सहमति भन्ने प्रश्न आउँछ भन्ने सबैले बुझेकै हुन् । तैपनि ओली भने आफ्नाे गन्तव्यतर्फ लम्किरहेका छन् ।