काँगेलडाँडा विमानस्थलमा परीक्षण उडान सफल
नेपालबहस संवाददाता
मंसिर ३०, २०७७ बुधबार १:५२:३२
३० मंसिर, सोलुखुम्बु । लामो समयदेखि बन्द रहेको काँगेलडाँडा विमानस्थलमा आज गरिएको परीक्षण उडान सफल भएको छ । नेपाल वायुसेवा निगमको ९ एन¬एबीयु विमानले आज ९ः०५ बजे परीक्षण उडान भरेको नेपाल नागरिक उड्डयन प्राधिकरणले जनाएको छ ।
क्याप्टेन पेम्बा शेर्पाको नेतृत्वमा चालक दलका तीन सदस्यसहित १४ यात्रु लिएर उक्त विमान काँगेलडाँडा आएको र सोही सङ्ख्याको यात्रु लिएर काठमाडौँ फर्किएको प्राधिकरण फाप्लुका प्रमुख प्रकाश शर्माले जानकारी दिए । विगत छ वर्षदेखि विमानस्थल बन्द हुँदा त्यहाँ कार्यरत प्राधिकरणका कर्मचारी अन्यत्र काजमा खटाइएको थियो । फाप्लु विमानस्थलका कर्मचारी परिचालन गरी आज परीक्षण उडान गरिएको बताइएको छ ।
नेपाल वायुसेवा निगम र थुलुङ दूधकोशी गाउँपालिकाबीच भएको सम्झौताअनुसार उडान सेवा शुरु भएको गाउँपालिका अध्यक्ष असिम राईले जानकारी दिए । सम्झौताअनुसार प्रत्येक हप्ता मंगलबार उडान तालिका राखिएको छ । उडान भर्न आवश्यक १६ सिटको ग्यारेण्टी गाउँपालिकाले गर्नुपर्ने अध्यक्ष राईले जानकारी दिए । उनका अनुसार गाउँपालिकाले रु १० लाख धरौटी रकम जम्मा गर्नुपर्नेछ भने यात्रु सङ्ख्या कम हुँदा नेपाल वायुसेवा निगमले सोही रकम कट्टा गरी लिनेछ ।
मौसमी विमानस्थल बन्द हुँदा सोलुखुम्बुको तल्लो र खोटाङका माथिल्लो क्षेत्रका नागरिकलाई समस्या हुँदै आएको स्थानीयवासीले गुनासो गर्दै आएका थिए । सोही विषयलाई मध्यनजर राख्दै स्थानीय, प्रदेश र सङ्घीय सरकारको पहलमा पुनः उडान सेवा शुरु गरिएको अध्यक्ष राईको भनाइ छ । उडान नियमित हुँदा जिल्लाको तल्लो क्षेत्रमा आन्तरिक तथा बाह्य पर्यटक आवागमनमा वृद्धि हुनका साथै स्थानीयवासीको आयस्रोतसमेत बढ्ने उनको विश्वास छ ।
उडान सेवा शुरु भएपछि यस क्षेत्रका स्थानीयवासी हर्षित भएका छन् । विभिन्न व्यक्तिले सामाजिक सञ्जालमा पहलकर्तालाई धन्यवाद दिँदै खुशी व्यक्त गरेका छन् ।
संस्कृति पर्यटन तथा नागरिक उड्डयनमन्त्री योगेशकुमार भट्टराईले कात्तिक २१ गते सो विमानस्थलको निरीक्षण गरेका थिए । निरीक्षणका क्रममा उहाँले मङ्सिर तेस्रो हप्तादेखि उडान सेवा शुरु गर्ने बताएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
मनाङमा एक वर्षमा २१ हजार पर्यटकको आगमन
बैशाख १०, २०८१ सोमबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
सुनचाँदीको मुल्य घट्यो, कतिमा हुँदैछ कारोबार ?
बैशाख ११, २०८१ मंगलबार
कतारका राजा अमिर थानी काठमाडौं आइपुगे
बैशाख ११, २०८१ मंगलबार
सेना र हतियारमा कति खर्चमा अमेरिका पहिलो स्थानमा, भारतले कति खर्च गर्छ ?
बैशाख ११, २०८१ मंगलबार
प्रेमिकाले धोका दिएपछि प्रेमीले उठाए यस्तो डरलाग्दो कदम !
बैशाख ११, २०८१ मंगलबार
जर्मनीको फ्रयान्कफर्टमा रन्जु यादवको एकल चित्रकला प्रदर्शनी
बैशाख ११, २०८१ मंगलबार
लोकतन्त्र दिवसको सान्दर्भिकता
बैशाख ११, २०८१ मंगलबार