एभरेष्ट बैंकले डाक्यो साधारणसभा, १०.५ प्रतिशत लाभांश पारित गर्ने तयारी

१ पुष, काठमाडाैं । एभरेष्ट बैंक लिमिटेडले वार्षिक साधारणसभाका लागि साधारण शेयरको दाखिला खारेज (बुक क्लोज) गर्ने भएको छ ।आगामी पुष १० गतेदेखि पुष २७ गतेसम्म बुक क्लोज गर्ने बैंकले जानकारी दिएको छ ।

बैंक सञ्चालक समितिको मंसिर ३० गते मंगलबार सम्पन्न बैठकले लाजिम्पाटस्थित बैंकको केन्द्रीय कार्यालयमा पुष २७ गते बिहान ११ बजे साधारण सभा आव्हान गरेको हो । कोरोना संक्रमण कारण भर्चुअल माध्यमबाट साधारण सभा बोलाइएको छ ।

सभाले सञ्चालक समितिबाट गत आ.व.को नाफाबाट प्रस्तावित १०.५३ प्रतिशत लाभांश पारित गर्नेछ । जसअनुसार बैंकले चुक्ता पूँजीको ५ प्रतिशतले हुन आउने ४२ करोड ३५ लाख १० हजार ३४१ रुपैयाँ बराबरको बोनस र बोनसमा लाग्ने करसहित ५.५३ प्रतिशतले हुन आउने ४६ करोड ८४ लाख २ हजार ४३८ रुपैयाँ नगद लाभांश वितरण गर्ने प्रस्ताव पारित हुनेछ ।

सभामा सर्वसाधारण शेयरधनीहरुका तर्फबाट सञ्चालक समितिमा प्रतिनिधित्व गर्ने दुईजना सञ्चालकको निर्वाचन गर्ने एजेण्डा पनि छ । वार्षिक साधारण सभा र लाभांश प्रयोजनका लागि बैंकले पुस १० गतेदेखि शेयर दाखिला खारेजी मिति तोकेको छ ।

यस अनुसार पुस ९ गतेसम्म नेप्सेमा शेयर कारोबार भई कायम रहने शेयरधनीहरुले मात्र लाभांश पाउन र सभामा भाग लिन सक्नेछन् ।