दरबार हत्याकाण्ड : सात समुन्द्र पारीको सहयोगमा भएकाे आरोप

३ पुष, पर्सा । दरबार हत्याकाण्ड राजनितिक दल र केहि विदेशी शक्तीले गरेको आरोप लगाइएको छ । राजसंस्था पुनरस्थापना संघर्ष समिति पर्साले आयोजना गरेको आमसभामा वक्ताहरुले यस्तो आरोप लगाएका हुन ।

वीरगंज स्थित घण्टाघर चौकमा आयोजित आमसभामा वक्ताहरुले राजसंस्था जब–जब जनताको हकहितको लागि कदम अगाडी बढाएका छन तब–तब अस्तित्वमा रहेका दलहरुले षड्यन्त्र गर्दै आएको आरोप लगाउदै राजा विरेन्द्रले नेपाली जनतालाई दुधभात खाने गरी मुलुकको विकाश गर्ने अवधारणा ल्याउदा सात समुन्द्र पारीको सहयोगमा दरवार हत्याकाण्ड गराएको आरोप लगाएका हुन ।

नेपालमा हिन्दु राष्ट्रसहित राजसंस्था रहंदा कुनै पनि धर्मप्रति प्रतिबन्ध थिएन भने देशमा हत्या हिंसा, बलात्कार, भ्रष्टाचार सुन्न पाइदैन थियो । तर अहिले सवै अपराधिक घटनाहरु हुन्छन अपराधी माथि कारवाही नभएको बताउदै वक्ताहरुले मुलुकको वर्तमान अवस्थाबाट मुक्तिको लागि हिन्दु राष्ट्र र राजसंस्था पुन: स्थापना अपरिहार्य भएको बताएका हुन ।

संघर्ष समितिका पर्सा अध्यक्ष सतिस श्रीवास्तबको सभापतित्वमा आयोजित आमसभामा वरिष्ठ समाज सेवी पशुपति विक्रम शाह, राजसंस्था पुनरस्थापना संघर्ष समितिका केन्द्रिय अध्यक्ष संजय साह, उपाअध्यक्ष राजकिसोर चौवे, हिराबहादुर चन्द, रामबहादुर थापा, सम्भु चौरसिया, अब्दुल सत्तार, अनु राणा लगायतले मन्तब्य ब्यक्त गरेका थिए ।