नेकपाको निर्णायक भीडन्त केन्द्रिय कमिटीमा : एउटा बालुवाटार, अर्को बबरमहल !

६ पुष, काठमाडौं । सत्तारुढ नेकपामा निर्णायक भीडन्तका रुपमा केन्द्रिय कमिटी बैठक हुने भएको छ । दुवै पक्षले मंगलबार बैठक बोलाएपछि केन्द्रिय कमिटीमा निर्णायक भीडन्त हुने भएको हो । प्रधानमन्त्री केपी शर्मा ओलीले मंगलबार बिहान ९ बजेका लागि बालुवाटारमा केन्द्रीय कमिटी बैठक बोलाएका छन्।

त्यस्तै अध्यक्ष पुष्पकमल दाहाल पक्ष र वरिष्ठ नेता माधवकुमार नेपाल पक्षले बबरमहलको कार्की ब्यांकेटमा केन्द्रिय कमिटी बैठक बोलाएका छन् । यसअघि सोमबार ओली पक्षले आफ्ना सांसदहरुको भेला बालुवाटारमा बोलाएका थिए भने प्रचण्ड र माधव नेपाल पक्षले संसद भवन बानेश्वरमा भेला बोलाएका थिए ।

भोलि केन्द्रिय कमिटी बैठकमा आ -आफनो बहुमत पुर्याएपछि नेकपाको भविष्य अब कता जान्छ ? भन्ने पनि थाहा हुनेछ ।