एनआरएनद्धारा भरतपुरलाई घुम्ती रगत बस हस्तान्तरण

७ पुष, काठमाडाैं । प्रतिकुल मौसममा रगतको संकलन तथा भण्डारणमा सहज बनाई रगतको व्यवस्थापनलाई गुणस्तरीय र सर्व सुलभ बनाउन संचालन भएको एनआरएनको “घुम्ती रगत बस परियोजना” अन्तर्गत पहिलो घुम्ती रगत बस गैरआवासीय नेपाली संघले भरतपुर महानगरपालिकाको मार्फत नेपाल रेडक्रस सोसईटी चितवन क्षेत्रीय रक्तसंचार, भरतपुरलाई हस्तान्तरण गरेको छ ।

हस्तान्तरण कार्यक्रममा संघको उपाध्यक्ष डा. बद्रि के. सीको अध्यक्षता , भरतपुर महानगरपालिकाको प्रमुख रेणु दाहालको प्रमुख अतिथ्यता र नेपाल रेडक्रस सोसाईटी चितवन जिल्ला शाखाको सभापति ज्ञानशाली न्यौपानेको विशिष्ट अतिथ्यता मा भएको उक्त कार्यक्रममा संघको तर्फबाट संस्थापक अध्यक्ष डा। उपेन्द्र महतो, सचिव आर. के. शर्मा, सह-कोषाध्यक्ष लोक प्रसाद दाहाल, सल्लाहकार रामेश्वर साह र सोम सापकोटा, मध्य पूर्वीय उप(संयोजक मनोज गोर्खाली, विभिन्न् कार्यदल तथा समितिहरुक संयोजक तथा सदस्यहरु, राष्ट्रिय समन्वय परिषदहरुका पदाधिकारी तथा सदस्यहरुको सहभागिता थियो भने चितवनको प्रमुख जिल्ला अधिकारी नारयण प्रसाद भट्टराई, जिल्लाको स्वास्थ्य प्रमुख, प्रहरी प्रमुख, आर्मी प्रमुख, ए.पी.एफ प्रमुख, वाणिज्य संघहरुका अध्यक्ष, नेपाल रेडक्रस सोसाईटीका केन्द्रीय पदाधिकारीहरु तथा जिल्लाका पदाधिकारीहरु, मानगरपालिकाको उप(प्रमुख, प्रमुख कार्यकारी निर्देशक, निर्देशकहरु, वडा अध्यक्षहरु, चितवन क्षेत्रीय रक्तसंचारका कर्मचारीहरु, रक्तदान गर्ने संघ संस्थाहरु र रक्तदाताहरुको सहभागिता रहेको थियो ।

नेपाल बाहिर रहेर पनि आफ्नो देशप्रति जिम्मेवारी पुरा गर्न धेरै गैरआवासीय नेपालीहरुले आर्थिक तथा प्राविधिक ज्ञान र शिप हस्तान्तरण गर्नको लगानी काम गरिरहेका छन् । “नेपालीका लागि नेपाली” भन्ने भावनालाई आत्मसात गर्दै गैरआवासीय नेपाली संघले रक्तसंचार पद्धति कार्यदल स्थापना गरेको छ । यस कार्यदलले नेपालमा रगत भण्डारण सेवालाई गुणस्तरीय र सर्व सुलभ बनाउनको लागि रक्तसंचार क्षेत्रमा विभिन्न कार्यक्रम तथा परियोजनाहरु संचालन गर्दै आएको छ ।

सन् २०१८ मा यस कार्यदलका संयोजक फणिन्द्र पन्तको नेतृत्वको विज्ञ टोलीले एक कार्यशाला गरि घुम्ती रगत बस परियोजनालाई अगाडी बढाएको थियो । त्यस कार्यदलले- २०१७/१९ कार्यकालमा १५ लाख जति संकलन गरेको थियो । यो परियोजनालाई अध्यक्ष कुमार पन्तको नेतृत्व तथा सचिव गौरी राज जोशीको सभापतित्वमा २०१९/२१ मा गैरआवासीय नेपाली संघले आफ्नो गौरवको परियोजना अन्तर्गत राखेको र कोभिड-१९ ले रक्तसंचार क्षेत्रमा निम्तयाएको प्रतिकुलता कम गर्न द्रुत गतिमा काम गरि हस्तान्तरण गररेको थियो ।

रक्तसञ्चार केन्द्र भरतपुरका प्रमुख पौडलले रक्तसंचारलाई गुणस्तरीय बनाउनको लागि गैरआवासीय नेपाली संघको रक्तसंचार कार्यदलले तालिमको लागि नेथरल्यांड्स लगेको थियो र निरन्तर कार्य गरिरहेको कुरा उदृत गर्दै अहिले जिल्लामा दैनिक सय युनिट रगत माग भइरहेको भए पनि दैनिक ५० युनिट रगत पुर्‍याउन पनि कठिन परिरहेको बताए । रगत बस सञ्चालनमा आएपछि मागअनुसार रगत पुर्‍याउन सक्ने आशामा आफूहरु रहेको उनले बताए । रगतबस सहयोग गरेर पूण्यको काम गरेको भन्दै उनले एनआरएनएप्रति आभार प्रकट गरे ।

संघका सचिव आरके शर्माले विदेशमा वा स्वदेशमा जहाँ पनि अप्ठ्यारोमा परेका नेपालीहरुका लागि संघले सहयोग तथा सहकार्य गर्दै आएको बताउँदै गैरआवासीय नेपालीहरुको सहयोगमा उक्त बस हस्तान्तरण गरिएको बताएका थिए । त्यसै गरी संघका सह( कोषाध्यक्ष लोक प्रसाद दाहालले यो परियोजनाको लागि छोटो समयमा पर्याप्त सहयोग गर्ने गैरआवासीय नेपालीहरूलाई हार्दिक आभार प्रकट गर्नु भएको थियो ।

एनआरएनका संस्थापक अध्यक्ष डा। उपेन्द्र महतोले मेडिकल हवको रुपमा विकास भइरहेको भरतपुरमा ब्लड बसको आवश्यकता महशुस गरी बस सहयोग गरिएको बताए ।

‘देश जनताले नै बनाउने हो । जनताले नै सहयोग गर्नुपर्छ । त्यसैले हामीले सहयोग गरेका हौं’ उनले भने । नेपालीहरु उपचार गर्न विदेश जानु नपर्ने गरी मेडिकल सिटी बनाउनु नेपालमा अति आवश्यक भएको उनले बताए । भरतपुर महानगर प्रमुख रेनु दाहालले गैरआवासीय नेपाली संघले देशको विकट तथा संकट परेको स्थानहरुमा सहयोग गर्दै आएको र हाल मेडिकल सिटीको रुपमा विकास भइरहेको भरतपुरमा रगत बस आवश्यक रहेको बताउँदै त्यसलाई परिपूर्ति गर्न सहयोग गरेकोमा संघलाई धन्यवाद दिएकी थिइन् ।

संघका उपाध्यक्ष केसीले यस परियोजनामा करिब ४०० जना भन्दा बढी गैरआवासीय नेपालीहरुले गैरआवसीय नेपाली संघको राष्ट्रिय समन्वय परिषदहरु तथा विभिन्न संघसंस्थाहरुको माध्यमबाट सहयोग प्राप्त भएको र करिब ७६ लाख नेपाली रुपैया संकलन भएकोमा बस किनेर हस्तान्तरण गर्दा करिब ६१ लाख खर्च भएको जानकारी गराएका थिए । उनका अनुसार रक्तदानका लागि आवश्यक पर्ने अत्याधुनिक सुविधा सम्पन्न उपकरण जडान गरिएको बस वाग्मती प्रदेशमै पहिलो हो ।

पोखरामा यस प्रकारको बस रहेको र नेपालमा यो दोस्रो भएको उनले बताए ।गैरआवासीय नेपाली संघ, भरतपुर महानगरपालिका र नेपाल रेडक्रस सोसाईटी चितवन रक्तसंचार क्षेत्रको प्रतिनिधिहरुबाट संयुक्त रुपमा उद्धघाटन भए पछि भरतपुर महानगरका मेयर र कार्यकारी निर्देशकले संयुक्त रुपमा रक्तदान गरेका थिए ।