एनआरएनलाई अपहरण र ठगी गरेको आरोपमा राजु थापा पक्राउ
नेपालबहस संवाददाता
पुस ७, २०७७ मंगलबार २३:१४:१८
७ पुष, काठमाडौं । बेलायत बस्ने गैह्नआवासीय नेपाली ‘एनआरएन’लाई अपहरण र ठगी गरेको आरोपमा राजु थापा पक्राउ परेका छन् । उच्च अदालतमा विचराधीन मुद्दा फिर्ता लिन ज्यानमार्ने धम्की दिएको आरोपमा विवादित राजु थापालाई बौद्ध र गोङ्गबु प्रहरीको ३ दिनको लामो तथा संयुक्त प्रयासमा आज बौद्धस्थित घरबाटै पक्राउ परेका हुन् ।
यसअघि एनआरएनका नेता बिक्रम महर्जन, भुपेन्द्र गुरुङ्ग, कुल आचार्य लगायत विभिन्न नेपाली व्यापारीहरुलाई बिईङ्ग ह्युमन रेडिमेड कपडा पसल र भेन्चुरिनी जुत्ता पसल दरबारमार्गमा लगानी गर्ने आश्वासन दिई लाखौं रकम लिएर ठगी गरेको उनीमाथि आरोप छ ।
यी एनआरएनहरुलाई रकम लिएर पनि हालसम्म कुनै शेयर नदिएको, लगानी समेत फिर्ता नदिएको र फर्जी चेक दिएर ठगेको आरोप राजु थापा र निजकी व्यवसायिक साझेदार भनिने मुना कुँवरको गिरोह नै रहेको आरोप पीडित पक्षले लगाएको छ । यो गिरोह केही समय अघि गौशाला प्रहरीमा समेत कागज गरेर छुटेको निरीक्षक जनक ढुङ्गानाले बताएका छन् ।
पीडितहरुका अनुसार राजु थापाले उजुरीकर्ता सुरेश तामाङ्गको कम्पनीबाट पच्चीस लाख सापटी लगेर चेक बाउन्स भएपछि चेक फिर्ता लिन गुण्डा परिचालन गरि धम्काएको कम्पनीका लेखा अधिकृत गणेश कुमारले बताए । कम्पनीको पैसा नतिर्न उल्टै पीडित तामाङ्गलाई जोरपाटीस्थित निवासबाट १ महिना अघि नक्कली व्यक्तिलाई प्रहरी बनाएर पक्राउको शैलीमा अपहरण गरि बौद्ध प्रहरी वृत लगेर थुनाउने शैलीमा पैसा मागेर थापाले बार्गेनिङ गरेका थिए ।
तामाङले पैसा दिन नमानेपछि पुन जेल हाल्ने भनेर गौशाला वृतमा पक्राउ गरेर लगेको पीडित तामाङले बताए । बौद्ध प्रहरीमा सेटिङ्ग नमिल्दा पुन प्रहरी हौं भन्ने नक्कली पात्र खडा गरि ट्याक्सीमा हालेर गौशाल प्रहरी पुराएको कुरा पछि छानबिन गर्दा पत्ता लागेको नेपाल बार एशोसियन काठमाडौकी सहसचिव एवं अधिवक्ता रन्जिता कार्कीले बताइन् ।
सो बेला राजु थापा गौशाला प्रहरी वृत्तमा आफै उपस्तिथि भएको भिडियो फुटेजले प्रमाणीकरण गरेको छ । राजु थापाले विभिन्न नक्कली पात्र खडा गरेर उजुरी दिई दुख दिन थालेपछि नेकपाका स्थानीय सांसदहरु जिल्ला प्रशासन कार्यालय काठमाडौं मै गएर सिडिओमार्फत शान्ति सुरक्षाको निवेदन दिएका थिए । जिल्ला प्रशासन कार्यालयले महानगरीय प्रहरी परिसर टेकुलाई शान्ति सुरक्षा दिलाउन पत्र काटेको अधिवक्ता कार्कीले जानकारी दिइन् ।
महानगरीय प्रहरीबाट बौद्ध प्रभागमा पत्र पठाएर ताकेदा गर्दा थापाले म बिरामी छु भनेर दिनहुँ झुक्याउने गरेको अधिवक्ता कार्कीले दावी गरिन् । तर सोही समयमा एनआरएन युकेका महाधिवेशन प्रतिनिधि र पीडित तामाङलाई आफुले २५ लाख फिर्ता नगर्ने भनेर उल्टै पक्राउ गराईदिने धम्की दिएको फुटेज र रेकर्ड कलको आधारमा बेलायत दूतावासले आफ्नो नागरिकको जिउज्यान सुरक्षा गर्न प्रहरी कार्यालयको ध्यानाकर्षण गराएको थियो ।
नेपाल आदिवासी जनजाति महासंघले पीडित तामाङलाई जेल पठाउछु भनेर धम्काएको, मानसिक तनाव दिएको, अपहरण गर्न खोजेको भन्दै गृहमन्त्री रामबहादुर थापाको सचिवालयमा जानकारी गराएपछि नेपाल प्रहरीले थापाको घर र मोबाइल लोकेशन ट्रयाक गरी पकाउ गरेर नयाँ बसपार्क गोङ्गबु प्रभागमा थुनुवाको रुपमा राखेको निरीक्षक रमेश बिष्ट पुष्टि गरेका छन् ।
थापाले गरेको अपराध बारे पीडित पक्षले सक्कल कागज, भिडियो फुटेज र अडियो रेकर्डिङ प्रहरीलाई दिएको थियो । नयाँ बसपार्क चौकी भित्र प्रहरीले चलाएको छलफलमा राजु थापाले ठगेका अन्य व्यक्तिहरुको पनि उजुरी आउने क्रम बढेको भन्दै प्रहरीले थप अनुसन्धान गर्न टेकु परिसर पठाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपवडाध्यक्ष कारागार चलान
बैशाख ४, २०८१ मंगलबार
नाबालिकालाई वेश्यावृत्तिमा लगाउने दुई पक्राउ
बैशाख ३, २०८१ सोमबार
३ करोडमा बेच्न लागेको बोधिचित्तको रुख काटेको अभियोगमा चारजना पक्राउ
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार