सर्वोच्च अदालत अगाडी नेविसंघको प्रदर्शन

१० पुष, काठमाडौं । नेपाली कांग्रेसको भातृ संस्था नेविसंघले सर्वोच्च अदालत अगाडि प्रदर्शन गरेको छ । प्रधानमन्त्री केपी शर्मा ओलीले प्रतिनिधि सभा विघटन गरेको मुद्दामा सुनुवाई भइरहेका बेला नेविसंघले प्रदर्शन गरेको हो ।

सर्वोच्च अदालत हामी नजिकबाट नियालिरहेछौं भन्ने प्ले कार्डसहित नेविसंघले प्रदर्शन गरेको हो । प्रदर्शनमा उत्रिएका नेविसंघ पूर्वकेन्द्रीय सदस्य नवराज त्रिपाठी, कर्ण ओली, करूणा सागर सिग्देल, अर्बत खड्का र राकेश शिवाकोटीलगायतलाई प्रहरीले पक्राउ गरेको छ।

नेविसंघ पूर्वमहामन्त्री कुन्दनराज काफ्लेले पक्राउ परेका नेविसंघ कार्यकर्तालाई विनाशर्त तुरून्त रिहाइ गर्न माग गरेका छन्।