मुख्यमन्त्रीविरुद्ध अविश्वास प्रस्तावमा हस्ताक्षर गर्ने सांसदलाई २४ घण्टे स्पष्टीकरण

१३ पुष, विराटनगर । सत्तारुढ नेकपाको ओली समूहले प्रदेश १ का मुख्यमन्त्री शेरधन राईविरुद्ध पेश भएको अविश्वासको प्रस्तावमा हस्ताक्षर गर्ने ३७ जना प्रदेश सांसदलाई स्पष्टिकरण सोधेको छ । पार्टी विभाजनपछि प्रचण्ड– माधव पक्षका ३७ सांसदले मुख्यमन्त्री शेरधन राई विरुद्ध अविश्वासको प्रस्ताव दर्ता गराएपछि ओली समूहले स्पष्टीकरण सोधेको हो ।

अविश्वासको प्रस्ताव दर्ता भएपछि नेकपाका प्रमुख सचतेक बुद्धिकुमार राजभण्डारीले अविश्वासको प्रस्तावमा हस्ताक्षर गर्ने ३७ सांसदलाई २४ घण्टे स्पटीकरण सोधका हुन् । राजभण्डारी ओली पक्षका नेता हुन् । उनले सांसदहरुलाई तत्काल प्रस्ताव फिर्ता पनि निर्देशन दिएका छन् ।

प्रस्ताव फिर्ता लिएर स्पष्टिकरण नबुझाए राजनीतिक दल सम्बन्धी ऐन र दलको बिधान बमोजिम कारवाही गरिने पनि दाबी गरिएको छ । बाग्मति प्रदेश र प्रदेश १ मा प्रचण्ड माधव नेपाल समूहले ओली सरकारका मुख्यमन्त्रीविरुद्ध अविश्वास प्रस्ताव दर्ता गराएका छन् ।