ओलीले संविधानमाथि बलात्कार गरे : झलनाथ खनाल

१४ पुष, काठमाडौं । नेकपा प्रचण्ड–नेपाल समूहका वरिष्ठ नेता झलनाथ खनालले प्रधानमन्त्री केपी ओलीले संविधानमाथि बलात्कार गरेको आरोप लगाएका छन् ।

संसद् विघटनविरुद्ध आज आयोजना गरेको विरोध सभालाई सम्बोधन गर्दै नेता खनालले प्रधानमन्त्री ओलीले संविधानमा व्यवस्था नभएको अधिकार प्रयोग गरेर संसद विघटन गरेको आरोप लगाएका हुन् ।

उनले केपी ओली एउटा गुटको मात्र नेता भएको पनि आरोप लगाए । उनले बालुवाटारमा एउटा गुट सक्रिय रहेको र त्यसले जे मन लाग्छ त्यही गरेको बताए । उनले आधिकारिक नेकपा आफ्नो समूह नै भएको दाबी गरेका छन् ।

लामो समयदेखिको आन्दोलनपछि प्राप्त भएको राजनीतिक अधिकार प्रधानमन्त्री ओलीले एकाएक ध्वस्त पार्न लागेको बताए ।