ओली सरकार काम चलाउ भइसक्यो : नेपाल

१४ पुस, काठमाडौं । पूर्वप्रधानमन्त्री माधवकुमार नेपालले प्रधानमन्त्री केपी शर्मा ओली नेतृत्वको सरकार कामचलाउ भएको बताएका छ्न् ।

प्रतिनिधिसभा विघटनको विरोधमा मंगलबार काठमाडौंमा आयोजित विरोध सभालाई सम्बोधन गर्दै नेकपाका अध्यक्ष नेपालले ओली सरकार कामचलाउ भइसकेको बताएका हुन् ।

प्रतिनिधिसभा सदस्य नरहेको व्यक्ति प्रधानमन्त्री बन्न पाउने प्रावधान नभएको भन्दै नेपालले ओली सरकार काम चलाउ भएको बताएका हुन् ।

५ पुसदेखि कामचलाउ भइसकेपछि पनि असंवैधानिक तरिकाले मन्त्रीपरिषद विस्तार गरेको भन्दै सर्वोच्च अदालतमा रिट दायर भएको छ । १० पुसमा गरेको मन्त्रीपरिषद विस्तारविरुद्धको रिटमा १५ पुसका लागि पेसी तोकिएको छ ।

अब ओली आफैले आफ्नो नेतृत्वको सरकार कामचलाउ भएको घोषणा गर्नुपर्ने पनि नेपालको भनाई छ ।