राष्ट्रियसभाका सांसदहरूको भाेली कोरोना परीक्षण गरिने

१५ पुष, काठमाडौं । प्रतिनिधिसभा विघटनपछि राष्ट्रियसभाकाे पहिलाे बैठक पुस १७ गते बस्ने  भएकाे छ । राष्ट्रिय सभा बैठकअघि बिहीबार भाेली सांसदहरूको कोरोना परीक्षण हुने भएकाे  हाे ।

राष्ट्रिय सभा अध्यक्ष गणेशप्रसाद तिमिल्सिनाले राष्ट्रिय सभाको अधिवेशनमा उपस्थित हुने राष्ट्रिय सभा सदस्यहरूलाई स्वास्थ्य सुरक्षा तथा सतर्कता अपनाउन अपिल गरेका छन् । तर, यो अवधिभर राष्ट्रिय सभा सदस्यहरूलाई स्वास्थ्य सतर्कता अपनाउन उनले आग्रह गरेका छन् ।

१७ गतेको बैठकको निम्ति संघीय संसद् सचिवालयले स्वास्थ्य मापदण्ड पूरा गरी आवश्यक तयारी गरेको पनि अध्यक्ष तिमिल्सिनाले बताए । संसदभित्रको तयारीले मात्रै कोभिड संक्रमण रोक्न पर्याप्त नहुने भन्दै उनले सम्पूर्ण राष्ट्रिय सभा सदस्यहरूलाई बैठक अवधिभर बाहिरी गतिविधिमा जाँदा सावधानी अपनाउन आग्रह गरेका छन् ।

अध्यक्ष तिमिल्सिनाले राष्ट्रिय सभा सदस्यबाहेक बैठकस्थलमा प्रवेश गर्ने सुरक्षाकर्मी, पत्रकार, कर्मचारीलगायत सबैलाई पनि सतर्कता अपनाउन पनि अनुरोध गरेका छन् । अध्यक्ष तिमिल्सिनाले स्वास्थ्य सावधानी अपनाउन सकेको खण्डमा राष्ट्रिय सभाको यस अधिवेशनलाई स्वास्थ्यको कारण आउने बाधाविना नै अगाडि बढाउन सकिने विश्वास व्यक्त गरे ।

उनले प्रतिनिधिसभा नभएको अवस्थामा बिलहरू दुवै सदनबाट पास गरेर ऐन बनिहाल्ने अवस्था नभएको उल्लेख गर्दै सरकारी बिजनेस भएन भने सदन लामो समय लैजान नसकिने बताए । राष्ट्रिय सभा अधिवेशन पुस १७ गते अपराह्न ४ बजेका लागि आह्वान भएको छ ।