भुक्तानी नदिएर उखु किसान मार्ने चिनी मिलका सञ्चालक पक्राउ

१६ पुष, काठमाडौं । उखु किसानको भुक्तानी नदिएर किसानलाई मर्न विवश पार्ने लुम्बिनी चिनी मिलका सञ्चालक मनोज अग्रवाल पक्राउ परेका छन् ।

जिल्ला प्रहरी कार्यालय, पर्साले उनलाई विरगञ्जबाट पक्राउ गरेको हो । महानगरीय अपराध महाशाखा, बानेश्वरको आग्रहमा प्रहरीले पक्राउ गरेको प्रदेश नं. २ प्रहरी प्रमुख डीआईजी धिरजप्रताप सिंहले जानकारी दिए ।

पक्राउ परेका उनलाई काठमाडौंमा थप अनुसन्धान गरेर कारवाही गर्ने तयारी छ । माइतीघरमा आन्दोलन गरिरहेका किसानसँगै केही बिचौलियाले सरकारसँग उधारो सहमति गरेपछि एक किसानलाई हृद्यघात भएको थियो ।

हृद्यघात भएकै कारण उनको उपचारका क्रममा मृत्यु भएपछि प्रहरीले चिनी मिल सञ्चालकलाई पक्राउ गरेको हो ।