छायाँ सेन्टरमा सुनको तक्मा, कलाकारदेखि नेवार समुदायको बाक्लो उपस्थिति
नेपालबहस संवाददाता
पुस १६, २०७७ शुक्रबार १:१५:५७
१६ पुष, काठमाडौं । ठमेलस्थित अत्याधुनिक व्यवसायिक भवन छायाँ सेन्टरको निजी जग्गालाई पुरातात्विक सम्पदाको बिषय बनाएर आफ्नो व्यक्तिगत स्वार्थमा प्रयोग गर्न खोज्नेहरु बिरुद्ध काठमाडौंका नेवार समुदाय एकताबद्ध हुन थालेका छन् । नेवारी सम्पदा अभियन्ता तथा स्थानिय जनताका नाममा कुत्सित स्वार्थ बोकेका केही व्यक्तिहरुद्धारा छायाँ सेन्टरका बिरुद्ध भईरहेको नियमित प्रहारको प्रतिकारमा स्थानिय नेवार समुदायहरु एक भएका हुन् ।
काठमाडौंका आदिबासी नेवार समुदायको सांस्कृतिक तथा मौलिक अपनत्वको भावनालाई हतियार बनाएर आफ्नो व्यक्तिगत कुण्ठा तथा राजनैतिक महत्वकांक्षा परिपूर्ति गर्न खोज्ने भागवत नरसिंह प्रधानद्धारा छायाँ सेन्टरको बिरुद्ध लक्षित अदालतको मुद्धा तथा अनर्गल प्रचारका बाबजुद पनि प्रतिष्ठित नेवारी अभियन्ता तथा समाजसेवीहरुद्धारा एक भव्य कार्यक्रम छायाँ सेन्टरमा आयोजना गरि संगठित प्रतिरोधको सुरुवात गरेका छन् । गलत मनस्थितिद्धारा ग्रसित व्यक्तिको आरोप लागेका प्रधान ठमेलका पूर्व बासिन्दा हुन् । हाल उनी सितापाईला तिर बस्ने गरेका छन् ।
नेवारी समाजको यसै प्रयास स्वरुप गत मंसिर २९ गते सोमबारका नेपाल भाषामा निर्माण हुन लागेको सामाजिक कथामा आधारित चलचित्र “लुँ यागु तक्मा” (सुनको तक्मा) को छायाँ सेन्टरको प्राङ्गणमा एक भव्य कार्यक्रमका बीच शुभमुहुर्त सम्पन्न भयो । नेपाल भाषाका नेपाली सिने कलाकार मानकृष्ण वावाको “स्वास्थ्य उपचार तथा जीविकोपार्जन कोष” निमाणार्थ सुखावती मल्टी प्रडक्सनको व्यानरमा निर्माण हुन लागेको उक्त चलचित्रको निर्माता तथा निर्देशक, सुरेन्द्र तुलाधरले कार्यक्रमप्रति पूर्वाग्रहसहित अनेक प्रपंच र षडयन्त्रमार्फत कार्यक्रम हुन नदिन भरमञ्दुर प्रयत्नशील रहेका भागवत नरसिहं प्रधानप्रति दुख व्यक्त गरेका थिए ।
नेपाली समाजका वरिष्ठ हास्यव्यङ्ग्य कलाकार मदनकृष्ण श्रेष्ठको प्रमुख आतिथ्यता र कलाकारहरु मानकृष्ण वावा, सुरज व्यङ्जनकार, राोजिना सुवाल, भगेन्द्र मानन्धर, रञ्जना सिदिकु, रिजन महर्जन, हसिना महर्जनबाट मुहुर्त अभिनय गरी शुभारम्भ भएको उक्त कार्यक्रममा अतिथि कलाकार लगायत अन्यलाई कार्यक्रममा नजान व्यक्तिगत दबाब दिनु जस्तो घृणित कार्यमा संलग्न रहेर समाजमा नकारात्मकताको खेती गर्नु भन्दा, आपसी सरसल्लाह तथा समझदारीको पहल गरी सामुदायिक भाईचाराको विकास गर्न उत्तम हुने सुझाव निर्देशक सुरेन्द्र तुलाधरले भागवत नरसिहं प्रधानलाई दिएका छन् ।
कार्यक्रमका प्रमुख अतिथि, वरिष्ठ हास्यकलाकार मदनकृष्ण श्रेष्ठले कार्यक्रम बहिस्कार गर्नका लागि भागवत नरसिहं प्रधानले पटक पटक फोन गरेर आफुलाई दबाब दिएको बताएका थिए । प्रधानको त्यस्तो क्रियाकलापप्रति असन्तुष्टि व्यक्त गर्दै कलाकार श्रेष्ठले निर्माण भईसकेको यस्तो राम्रो संरचना, “छायाँ सेन्टर भत्काएर नै छाड्ने” भागवत नरसिहं प्रधानको धम्कीयुक्त चेतावनीप्रति गम्भीर मतभेद प्रकट गरेका छन् । आफु शान्तिप्रिय तथा विकासवादी रहेका कारण जनताको लगानी परेको विकासका संरचना भत्काउने जस्ता गलत अभियानमा सरिक हुन आफू राजी नभएको बताउँदै कलाकार श्रेष्ठले आइन्दा आफुलाई सम्पर्क नगर्न चेतावनी दिएका थिए ।
कलाकार मानकृष्ण वावाको सहयोगका लागि प्रस्तावित चलचित्र “लुँ यागु तक्मा” (सुनको तक्मा) मा संलग्न कलाकार निर्देशक, बिज्ञ प्राबिधिक तथा अन्य सरोकारवालाहरुले निशुल्क रुपमा काम गर्नुका साथै आवश्यक उपकरणहरु समेत बिना लगानी प्रायोजित भएको व्यहोरा फिल्म निर्माण टालीले जनाएको छ ।
यस कार्यक्रमको बिशिष्ट अतिथिका रुपमा उपस्थित नेपाली सिने जगतका मुर्धन्य व्यक्तित्वहरु नीर शाह, चलचित्र विकास वोर्डका अध्यक्ष दयाराम दाहाल, रमेश उप्रेती, रविन्द्र खड्का, नागे डंगोल लगायतका व्यक्तित्वहरुले सम्पूर्ण कलाकार लगायत निर्माण टीमले यसरी निशुल्क रुपमा काम गरेर संकटमा परेका कलाकारको लागि सहयोग जुटाउने जस्तो उदाहरणीय कार्य भएकोमा धन्यवाद दिनुको साथै चलचित्रको सफलताको कामना गरेका थिए ।
करिब ३०० जना उपस्थित उक्त कार्यक्रममा उपत्यकाका नेवार समुदायका सम्पदा एवं सामाजिक अभियन्ता, समाजसेवी, कलाकारहरु, स्थानीय समुदाय लगायत युवा जमातले चलचित्रको सफलताको कामना गर्नुका साथै विकास निर्माण तथा लगानीका बिरुद्ध नेवारी समुदायको भावनामाथि सौदावाजी गर्ने भागवत नरसिहं प्रधान प्रवृतिले प्रोत्साहन पाउन नहुने बताउँदे छायाँ सेन्टर जस्तो लगानी र आर्थिक विकासका प्रतिकहरुको संरक्षणमा ऐक्यबद्धता तथा आगामी दिनहरुमा लगानीमैत्री वातावरण सृजना गर्न सकारात्मक रहनुपर्ने धारण सबैले व्यक्त गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहाजात्राको पहिलो सातामा भव्य व्यापार, ६ करोड २४ लाखको कमाई !
चैत १६, २०८० शुक्रबार
माघ ११ गते चलचित्र ‘अञ्जिला’ रिलिज हुने
चैत १५, २०८० बिहिबार
भोजपुरी फिल्म ‘साम्राज्य’ नेपाली भाषामा पनि बनाइने
चैत १४, २०८० बुधबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार