मुल्य समायोजनपछि ४ वटा बैंकको शेयर मुल्य बढ्यो, बाँकी ४ संस्थाको अवस्था कस्तो ?

१६ पुष, काठमाडौं । आर्थिक वर्ष २०७६/७७ को लाभांश वितरण गरेका आठ वटा बैंक तथा वित्तीय संस्थाको आज मुल्य समायोजन भएको छ । नेपाल स्टक एक्सचेञ्ज (नेप्से) मा सुचिकृत कम्पनीहरुले साधारण सभा तथा लाभांश वितरण प्रयोजनार्थ बुकक्लोज गरेपछि आज नेप्सेले शेयरमूल्य समायोजन गरी नयाँ मूल्य निर्धारण गरेको थियो ।

आज तीन वाणिज्य बैंक, दुई विकास बैंक, दुई लघुवित्त कम्पनी र एक जलविद्युत कम्पनीको शेयरमूल्य समायोजन भएको थियो । पुष १५ गतेसम्म नेप्सेमा कारोबार भई कायम शेयरधनीहरुले यी कम्पनीहरुको साधारण सभामा सहभागिता जनाउन तथा यी कम्पनीहरुले वितरण गर्ने लाभांश प्राप्त गर्न सक्नेछन् ।

आज मुल्य समायोजन हुने मध्ये नेपाल बैंक लिमिटेड एक हो । बैंकले शेयरधनीलाई १२ प्रतिशत बोनस शेयर दिने जनाएको छ । पुष २९ गते साधारण सभा डाकेको बैंकले ४ प्रतिशत नगद लाभांश पनि शेयरधनीलाई दिन प्रस्ताव गरेको छ । बैंकको हिजो अन्तिम कारोबार ३७१ रुपैयाँमा बन्द भएको थियो । सोही मुल्यलाई आधार मानेर आज नेप्सेले ३३१ रुपैयाँ समायोजन पश्चात कारोबार गर्ने मुल्य तोकेको थियो । आज बैंकको शेयर ७ रुपैयाँले बढेर ३३७ रुपैयाँमा कारोबार बन्द भएको छ । बैंकको आज कुल ५३४ वटा कारोबारबाट दुई लाख २० हजार चार सय ८० कित्ता शेयर सात करोड ३५ लाख ८९ हजार आठ सय ५६ रुपैयाँमा कारोबार भएको छ ।

एनएमबी बैंक लिमिटेडले शेयरधनीलाई १३ प्रतिशत बोनस शेयर दिने प्रस्ताव गरेको छ । पुष २९ गते साधारण सभा डाकेको बैंकले ४ प्रतिशत नगद लाभांश पनि शेयरधनीलाई दिन प्रस्ताव गरेको छ । बैंकको हिजो अन्तिम कारोबार ४२७ रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी ३७८ रुपैयाँ कारोबार मुल्य तोकेको थियो । आज बैंकको शेयर १० रुपैयाँले बढेर ३८८ रुपैयाँमा कारोबार बन्द भएको छ । बैंकको आज कुल ९५६ वटा कारोबारबाट दुई लाख १८ हजार पाँच सय ४४ कित्ता शेयर आठ करोड ४४ लाख ६० हजार एक सय ६७ रुपैयाँमा कारोबार भएको छ ।

सेञ्चुरी कमर्सियल बैंक लिमिटेडले शेयरधनीलाई ५ प्रतिशत बोनस शेयर दिने प्रस्ताव गरेको छ । पुष २९ गते साधारण सभा डाकेको बैंकले २.२५ प्रतिशत नगद लाभांश पनि शेयरधनीलाई दिन प्रस्ताव गरेको छ । बैंकको हिजो अन्तिम कारोबार २०९ रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी १९९ रुपैयाँ कारोबार मुल्य तोकेको थियो । आज बैंकको शेयर दुई रुपैयाँले बढेर २०१ रुपैयाँमा कारोबार बन्द भएको छ । बैंकको आज कुल ३९२ वटा कारोबारबाट एक लाख ६१ हजार आठ सय ३६ कित्ता शेयर तीन करोड २५ लाख १८ हजार तीन सय ८८ रुपैयाँमा कारोबार भएको छ ।

साधना लघुवित्त वित्तीय संस्थाले शेयरधनीलाई १८ प्रतिशत बोनस शेयर दिने प्रस्ताव गरेको छ । पुष २९ गते साधारण सभा डाकेको संस्थाले १ प्रतिशत नगद लाभांश पनि शेयरधनीलाई दिन प्रस्ताव गरेको छ । संस्थाको हिजो अन्तिम कारोबार १२२५ रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी १०३८ रुपैयाँ कारोबार मुल्य तोकेको थियो । आज संस्थाको शेयर १६ रुपैयाँले घटेर १०२२ रुपैयाँमा कारोबार बन्द भएको छ । संस्थाको आज कुल १३६ वटा कारोबारबाट चार हजार चार सय ७८ कित्ता शेयर ४६ लाख ५४ हजार सात सय २५ रुपैयाँमा कारोबार भएको छ ।

साना किसान लघुवित्त वित्तीय संस्थाले शेयरधनीलाई २५ प्रतिशत बोनस शेयर दिने प्रस्ताव गरेको छ । पुष २८ गते साधारण सभा डाकेको संस्थाले १.३२ प्रतिशत नगद लाभांश पनि शेयरधनीलाई दिन प्रस्ताव गरेको छ । संस्थाको हिजो अन्तिम कारोबार १७६९ रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी १४१५ रुपैयाँ कारोबार मुल्य तोकेको थियो । आज संस्थाको शेयर ११ रुपैयाँले बढेर १४२६ रुपैयाँमा कारोबार बन्द भएको छ । संस्थाको आज कुल २५५ वटा कारोबारबाट २० हजार आठ सय ८९ कित्ता शेयर तीन करोड तीन लाख ४७ हजार आठ सय ९७ रुपैयाँमा कारोबार भएको छ ।

बरुण हाइड्रोपावर कम्पनीले शेयरधनीलाई ५ प्रतिशत बोनस शेयर दिने प्रस्ताव गरेको छ । पुष २६ गते साधारण सभा डाकेको कम्पनीले ०.२६ प्रतिशत नगद लाभांश पनि शेयरधनीलाई दिन प्रस्ताव गरेको छ । कम्पनीको हिजो अन्तिम कारोबार १८० रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी १७१ रुपैयाँ कारोबार मुल्य तोकेको थियो । आज कम्पनीको शेयर एक रुपैयाँले घटेर १७० रुपैयाँमा कारोबार बन्द भएको छ । बैंकको आज कुल आठ हजार तीन सय ६४ कित्ता शेयर १४ लाख ३७ हजार चार सय ६२ रुपैयाँमा कारोबार भएको छ ।

कामना सेवा विकास बैंक लिमिटेडले शेयरधनीलाई ४.४० प्रतिशत बोनस शेयर दिने प्रस्ताव गरेको छ । पुष २९ गते साधारण सभा डाकेको बैंकले ०.२३ प्रतिशत नगद लाभांश पनि शेयरधनीलाई दिन प्रस्ताव गरेको छ । बैंकको हिजो अन्तिम कारोबार २२५ रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी २१६ रुपैयाँ कारोबार मुल्य तोकेको थियो । आज बैंकको शेयर एक रुपैयाँले बढेर २१७ रुपैयाँमा कारोबार बन्द भएको छ । बैंकको आज कुल १०० वटा कारोबारबाट २८ हजार एक सय २८ कित्ता शेयर ६० लाख ७९ हजार तीन सय ७० रुपैयाँमा कारोबार भएको छ ।

साइन रेसुङ्गा विकास बैंक लिमिटेडले शेयरधनीलाई १३ प्रतिशत बोनस शेयर दिने प्रस्ताव गरेको छ भने नगद लाभांश प्रस्ताव गरेको छैन । बैंकले प्रस्तावित बोनस पारित गर्नका लागि पुष २९ गते साधारण सभा डाकेको छ । बैंकको हिजो अन्तिम कारोबार २६६ रुपैयाँमा बन्द भएको थियो । सोही मुल्यलाई आधार मानेर आज नेप्सेले मुल्य समायोजन गरी २३५ रुपैयाँ कारोबार मुल्य तोकेको थियो । आज बैंकको शेयर एक रुपैयाँले घटेर २३४ रुपैयाँमा कारोबार बन्द भएको छ । बैंकको आज कुल १३१ वटा कारोबारबाट २८ हजार तीन सय चार कित्ता शेयर ६६ लाख २८ हजार छ सय ९७ रुपैयाँमा कारोबार भएको छ ।