बीबीएल टी-२०: सन्दीपले होबर्ट हुरीकेन्सबाट डेब्यु गर्ने

१८ पुष, काठमाडौं । नेपाली राष्ट्रिय टिमका लेग स्पिनर सन्दीप लामिछानेले होबर्ट हुरीकेन्सबाट डेब्यु गर्ने भएका छन् । अष्ट्रेलियामा जारि बिग बास लिग ‘बीबीएल’ टी-२० क्रिकेटमा मेलवर्न स्टार्स विरुद्धको खेलमार्फत सन्दीपले होबार्टको लागि पहिलो खेल खेल्दैछन् ।

पूर्व क्लब मेलबर्न स्टार्सविरुद्ध सन्दीप होबार्टको सुरुवाती-११ मा परेका छन् । सन्दीपले यसअघि स्टार्सबाट लगातार दुई सिजन खेलेका थिए । २१ खेल खेलेका सन्दीपले २६ विकेट लिएका थिए ।

यस सिजन नयाँ टिम हुरीकेन्समा आबद्ध सन्दीपले ६ खेल गुमाएका थिए । अष्ट्रेलिया पुगेपछि १४ दिनको क्वारेन्टाइनमा बसेको कारण सन्दीपले सुरुवाती खेल गुमाएका हुन् ।