जुवाखालमा प्रहरीकाे छापा, तीन लाखसहित १५ जना पक्राउ

१९ पुष, दाङ । दाङको तुलसीपुरमा शनिबार बेलुकी प्रहरीले जुवाखालमा छापा मारेर तीन लाख नगदसहित १५ जनालाई पक्राउ गरेको छ ।

उनीहरुलाई ३ लाख ३९ हजार ६ सय ६० रुपैयाँ र खोलेको तासको चार गड्डीसहित पक्राउ गरिएको इलाका प्रहरी कार्यालय तुलसीपुरले जनाएको छ ।

तुलसीपुर उपमहानगरपालिका वडा नं ६ बरुवागाउँ बस्ने खुमान सिंह वलीको घरमा अवैध रुपमा जुवा खेलिरहेको भन्ने सूचनाको आधारमा इलाका प्रहरी कार्यालय तुलसीपुरबाट गएको प्रहरी टोलीले छापा मारेको हो ।