बजारले सबै प्रकारका प्रतिरोध तोड्दा अबको पहिलो लक्ष्य कति ?

१९ पुष, काठमाडाैं । शेयरबजारले आज सबै प्रतिरोध क्षेत्रलाई तोडेर नेप्से परिसूचक ८८ दशमलव १२ अंकले वृद्धि हुँदै २१७५ दशमलव ३९ को विन्दुमा बन्द भएको छ । नेप्से परिसूचक ४ दशमलव २२ प्रतिशतले वृद्धि भएकोमा ६ अर्ब ३४ करोडको शेयर कारोवार भएको हाे ।

दोश्रो बजार २१०४ को विन्दुमा खुलेकोमा २१७५ को उच्च विन्दुसम्म पुगेको थियो । नेप्सेको न्यून विन्दु र खुला विन्दु एकै रहेको छ । बजार बन्द हुँदा उच्च विन्दुमा नै बन्द भएको छ । बजारको खुला विन्दु र न्यून विन्दु एकै हुनु र बजार ईण्ट्राडे हाईमा बन्द हुनुले बजारमा अझै खरिदकर्ताको चाप आउँन सक्ने आंकलन गर्न सकिन्छ ।

बजारले धेरै कारोवार दिन देखि २१०० को विन्दुलाई बन्द हुँदा तोड्न सकेको थिएन । २१०० को विन्दुसम्म बजार पुगे पनि बन्द हुँदा भने २१०० मुनी नै बजार बन्द भएकोमा आज भने बजार २१०० माथि बन्द हुन सफल भएको छ ।

त्यस्तै बजारको २१२७ को ईण्ट्राडे उच्च विन्दु प्रतिरोध क्षेत्र रहेकोमा बजारले आज त्यो प्रतिरोध पनि तोडेको छ । यसरी बजारले २५०० को आफ्नो गन्तब्य तय गरेको छ ।

आज सर्वाधिक कारोवार हुने ५ कम्पनीहरु :

आज सर्वाधिक कमाउने ५ कम्पनीहरु :

आज सर्वाधिक गुमाउने ५ कम्पनीहरु :

(नोट : निर्णय लिनु अघि थप अनुसन्धान गर्नु होला ! नेपालबहसको शेयर बिश्लेषण गर्ने शाखाले प्राविधिक र आधारभूत औजारको प्रयोग गरेर बिश्लेषण गरिएको हो। नाफा-नोक्सानको जिम्मेवार नेपालबहस हुने छैन। )