प्रयास नेपालका बालबालिकालाई हिमालयन एअरलाइन्सको सहयोग

१९ पुष, काठमाडौं । संस्थागत सामाजिक उत्तरदायित्व (सीएसआर) प्रतिबद्धता अनुरूप हिमालय एअरलाइन्सले बालबालिकाहरूलाई  कपी, फेस मास्क र सेनिटाइजर प्रदान गरेकाे छ । एअरलाइन्सले अंग्रेजी नयाँ वर्षकाे पूर्वसन्ध्यामा प्रयास नेपाल नामक संस्थाका बालबालिकाहरूलाई  बर्षभरी पुग्ने परिमाणमा कपीहरु प्रदान गरेकाे हाे ।

विद्यमान महामारीलाई ध्यानमा राख्दै, एअरलाइन्सले कोभिड–१९ विरुद्ध लड्न आवश्यक स्वास्थ्य सामाग्रीहरु समेत प्रदान गरेकाे जनाएकाे छ।  सन् २०२० को डिसेम्बर ३१ मा प्रयास नेपालको छोटो अवलोकन भ्रमणका क्रममा हिमालय एअरलाइन्सका पदाधिकारीहरूले प्रयास नेपालका पदाधिकारीहरूलाई शैक्षिक र चिकित्सा सामग्रीहरू कोभिड–१९ का सम्पूर्ण सुरक्षा मापदण्ड अपनाएर हस्तान्तरण गरेकाे हाे ।

प्रदान गरिएका सामाग्रीहरुमा १,६५० वटा कपी, दुई इन्फ्रारेड थर्मामीटर, २ बोतल ह्याण्ड सेनिटाइजर र १,००० थान फेस मास्क समावेश थिए ।
विगत बर्षहरुमा झैं त्यस संस्थाका लागि आवश्यक शैक्षिक सामाग्रीहरु, खाजा – नास्ता र अन्य उपभोग्य सामाग्रीहरुका निरन्तर आपूर्ति गर्दै योगदान पुर्याएको हिमालयले प्रयास नेपालका बालबालिकाहरूको जीवनमा उल्लेख्य भिन्नता ल्याउन सफल भएको छ ।

फलस्वरुप अधिकांश विद्यार्थीहरू सफलतापूर्वक आफ्नो शैक्षिक यात्रा जारी राख्न सक्षम भएका छन् । यस वर्ष पनि ८ देखि २० वर्ष बीचका २७ विद्यार्थी उनीहरूको शैक्षिक पाठ्यक्रमहरू पछ्याउन बार्षिक रुपमा आवश्यक पर्ने सामाग्रीहरु प्राप्त गर्नेछन् । बालबालिकाहरूलाई कोभिड–१९ को महामारीबाट रक्षा गर्ने उद्देश्यको साथ कोभिड–१९ का आवश्यक थप सामाग्रीहरु प्रदान गरिएको हो ।

हिमालय एअरलाइन्स्की ब्रान्ड र सेवा सुधार विभाग प्रमुख, उज्ज्वला दलीले, सामाग्री हस्तान्तरणका क्रममा भनिन् “सन् २०२० अनिश्चितता र ओसिलो भविष्यको बर्ष थियो, विशेषगरी बालबालिकाहरूका लागि कोभिड–१९को डर र सामाजिक दूरीले स्कूल र कलेजमा निकै असर पु¥यो । कोभिड विरुद्धको खोप आउने क्रमले सुरुङ्गको अन्त्यमा एउटा सानो प्रकाशको झिल्को देखिएको छ र शैक्षिक संस्थानहरू अब पुनः खोल्नका लागि तयारी गर्दैछन् । सामाजिक क्षेत्रमा केही गहन र अर्थपूर्ण योगदान पु¥याउने हाम्रो दृढ प्रतिबद्धताका साथ प्रयास नेपालप्रतिको हाम्रो वार्षिक प्रतिबद्धता पूरा गर्ने यो नै सही समय हो । हामी यस संस्थाका सबै क्षेत्रका बालबालिकाहरुका उत्थानका प्रयासलाई निरन्तर समर्थन गर्न कटिबद्ध छौं ।”

प्रयास नेपालका तर्फबाट आभार व्यक्त गर्दै संस्थाकी अध्यक्ष, मणि जोशीले भनिन् “हिमालय एअरलाइन्सले सन् २०१७ देखि निरन्तर हाम्रा बालबालिकाहरुलाई सहयोग पु¥याएकोमा हार्दिक आभारी छौं । हिमालयको योगदानले हरेक वर्ष हाम्रो मनोबल बढाउन मात्र सहयोग पु¥याएको छैन, हाम्रो संस्थागत विकासमा समेत टेवा पु¥याएको छ । यस महामारीको बर्षमा हाम्रा बालबालिकाहरूलाई उत्साहपूर्वक लालन–पालन गर्न र उचित हेरचाहका प्रयासमा निरन्तर लागिपर्न प्रेरित गर्दछ । हामी आगामी वर्षहरुमा हिमालय एअरलाइन्सको निरन्तर प्रगतिको लागि कामना गर्दछौं ।”

प्रयास नेपाल एक गैर–नाफामूलक सामाजिक संस्था हो, जसले विशेषगरी अनाथ, परित्यक्त, दुव्र्यवहारमा परेका र शारीरिक रूपले अपांग बालबलिकाहरूलाई नेपालका विभिन्न भागबाट आश्रय प्रदान गर्दै शिक्षा र सीपमूलक तालिम दिन निरन्तर कोशिसरत रहेको छ ।

हिमालय एअरलाइन्सकाे बारेमा

नेपाल–चीन संयुक्त उद्यमका रुपमा सन् २०१४ अगस्टमा स्थापित हिमालय एअरलाइन्स्, अन्तर्राष्ट्रिय उडान सेवा उपलब्ध गराउँदै आएको निजी वायुसेवा कम्पनी हो । ‘हिमालय’ शब्दले नेपालको पहाडहरुलाई संकेत गर्दछ, जुन देशको नाम उच्च बनाउन प्रतिबद्ध छ, त्यसरी नै हिमालय एअरलाइन्स उच्च उडान लिएर आफ्नो नामलाई अन्तर्राष्ट्रिय स्तरको बनाउन आकांक्षा राख्दछ । सुरक्षा, भरपर्दाे सेवा र समयमै सेवा उपलब्ध गराउने उद्देश्यका साथ स्थापित यस एअरलाइन्स्ले नेपालमा आफ्नो उच्च पहिचान कायम गरिसकेको छ ।

एउटा विमान र एउटा गन्तव्यबाट संचालन सुरु गरेको एअरलाइन्स्ले छोटो अन्तरालमै आफ्नो स्वामित्वमा चारवटा जहाज कायम गर्न र सातवटा गन्तव्य स्थानमा उडान भर्ने क्षमता विकास गरेको छ । एअरलाइन्स्ले आफ्नो पहिलो उडान मे ३१, २०१६ मा कतारको दोहाको लागि भरेको थियो र तत्पश्चात विभिन्न एशियाली मुलुकहरुमा आफ्नो सञ्जाल विस्तार गरेको छ जस्तैः युएई, मलेशिया, साउदी अरेबिया, बंगलादेश र चीन । अहिले हिमालय एअरलाइन्स्ले अबुधाबी, दमाम, दोहा, ढाका, क्वालालम्पुर, बेइजिङ्ग र छोड्ंछिडं्मा उडान सेवा भर्दै आएको छ ।

साउदी अरेबियाको दमाममा ऐतिहासिक सञ्जाल विस्तार गरेर साउदी अरेबिया र नेपाल जोड्ने हिमालय एअरलाइन्स् एक मात्र एअरलाइन्स् हो र हाल चीनमा उडान भर्ने पनि एक मात्र नेपाली एअरलाइन्स् हो । हिमालय एअरलाइन्स्ले अहिले १८० इकोनोमी क्लास सीट भएका तीन ए३२०–२१४ सिरिज र ८ बिजनेस क्लास र १२० इकोनोमी क्लास सीट भएको एक ए३१९–११५ एअरक्राफ्टले सेवा उपलब्ध गराउँदै आएको छ । २०२१ मा एअरलाइन्स्को ल्हासाजस्ता उच्च स्थानमा उडान भर्र्ने तयारी रहेको छ र साथै विभिन्न नयाँ गन्तव्यहरूमा पनि उडान सुरु गर्ने योजना छ ।

व्यवसायिक रुपमा संचालन सुरु गरेको एक बर्षमै हिमालय एअरलाइन्स्ले सन् २०१७ मा दक्षिण एसियाली ट्राभल अवार्ड (साटा)को ‘लिडिङ न्यू इन्टरनेशनल एअरलाइन्स् इन साउथ एशिया’ अन्तर्राष्ट्रिय अवार्ड सम्मान प्राप्त गरेको थियो । भर्खरै अगस्त २०२० मा हिमालय एअरलाइन्स्ले प्रतिष्ठित क्वालिटी म्यानेजमेन्ट सिस्टम (क्युएमएस) सँग सम्बन्धित आईएसओ ९००१–२०१५ हासिल गर्न सफल भएको छ ।

हिमालय एअरलाइन्स् उत्कृष्टता प्राप्त गर्न र उड्डयन क्षेत्रमा उच्च वृद्धि गर्न निरन्तर गुणस्तरीय सेवाको विकास र सञ्जाल विस्तार गर्न अथक प्रयासमा लागि परेको छ । हिमालय एअरलाइन्स्को परिवार बहुसांस्कृतिक र विविध पृष्ठभूमिबाट गठन भएको छ र ‘अतिथि देवो भवः’ ग्राहक नै भगवान भन्ने बर्षौं पुरानो परम्परालाई मनन् गर्दै विशुद्ध नेपाली सत्कारसहित उच्च गुणस्तरीय ग्राहक सेवा उपलब्ध गराउन प्रतिबद्ध रहेकाे जनाएकाे छ ।