संसद विघटनविरुद्ध कांग्रेसद्धारा दोस्रो चरणको आन्दोलन घोषणा

१९ पुष, काठमाडौं । प्रमुख प्रतिपक्ष कांग्रेसले पनि संसद् विघटनविरुद्ध आन्दोलनका कार्यक्रम घोषणा गरेको छ । आइतबार बसेको केन्द्रीय कार्यसमिति बैठकले संसद विघटनविरुद्ध आन्दोलनका कार्यक्रम सार्वजनिक गरेको हो ।

दोस्रो चरणका आन्दोलनका कार्यक्रम अनुसार पुस २५ गते ३ सय ३० प्रदेश निर्वाचन क्षेत्रमा कांग्रेसले विरोध प्रदर्शन गर्ने छ । त्यस्तै माघ ३ गते नगर र गाउँपालिका र माघ ८ गते वडास्तरमा विरोध प्रदर्शनका कार्यक्रम घोषणा गरिएको छ ।

कांग्रेसले भातृ तथा शुभेच्छुक संस्था र जिल्ला कार्यसमितिहरुलाई पनि केन्द्रको कार्यक्रमसँग नजुध्ने गरी सडक संघर्षका कार्यक्रम गर्न निर्देशन दिएको छ । यसअघि कांग्रेसले पुष १३ गते देशभर संसद विघटनविरुद्ध सडक प्रदर्शन गरेको थियो ।