बिहिबार , माघ १५, २०७७

यस वर्ष देवघाटमा माघेसङ्क्रान्ति मेला नहुने

यस वर्ष देवघाटमा माघेसङ्क्रान्ति मेला नहुने

२१ पुष, चितवन । पवित्र तीर्थस्थल देवघाटमा यस वर्ष माघेसङ्क्रान्ति मेला नहुने भएको छ । कोरोना सङ्क्रमण जोखिमका कारण हरेक वर्ष देवघाटमा हुने माघे सङ्क्रान्तिको मेला यस वर्ष नहुने देवघाट क्षेत्रविकास समितिले जनाएकोे छ ।

समितिका कार्यकारी निर्देशक धीरणबाबु घिमिरेका अनुसार तीन जिल्लाका सुरक्षा निकायका प्रमुख एवं प्रतिनिधिको उपस्थितिमा भएको बैठकले मेला नगर्ने निर्णय गरेको हो । माघे सङ्क्रान्तिमा ३६ घण्टाको अवधिमा पाँच लाख तीर्र्थालु भक्तजन मेला भर्न आउने गरेको विगतको तथ्याङ्क छ ।

कार्यकारी निर्देशक घिमिरेले स्नान घरमानै गरेर यस वर्ष माघेसङ्क्रान्ति मनाउन अनुरोध गरिएको जानकारी दिए । उनले भने, “बेनीमा स्नान मात्र गर्न आउनेलाई भने हामी रोक्दैनांै ।” स्वास्थ्य सतर्कता अपनाएर स्नान गर्न अनुरोध गरिएको उनको भनाइ छ ।

देवघाटमा माघे सङ्क्रान्तिका अवसरमा दुई दिनअघि देखिनै आएर मेला भर्ने प्रचलन रहेको छ । छिमेकी मुलुक भारत र नेपालभरिबाट भक्तजन यहाँ आउने गर्छन् । मेला व्यवस्थापन गर्न तीन जिल्ला चितवन, तनहुँ र नवलपरासीका सुरक्षा निकाय खटिने गर्दथे । पुस मसान्तमा बेनीमा लिङ्गो गाडेर मेलाको शुभारम्भ गर्ने गरिन्छ । मेला नभए पनि विधि भने पूरा गरिने जनाइएको छ ।

ज्योतिष शास्त्रानुसार सौरमासको हिसाबले माघे सङ्क्रान्तिदेखि सूर्य धनु राशिबाट मकर राशिमा प्रवेश गर्ने हुनाले यसलाई मकर सङ्क्रान्ति भनिएको हो । सो दिनदेखि सूर्य दक्षिणी गोलाद्र्धबाट उत्तरी गोलाद्र्धतर्फ प्रवेश गर्ने भएकाले दिन लामा र रात छोटो हुँदै जाने विश्वास गरिन्छ ।

भविष्य पुराण, विष्णुबचन तथा धर्मसिन्धु नामक ग्रन्थमा यस दिन पवित्र तीर्थस्थलमा स्नान गरी घीउ, चाकु, तिलको लडडु, सागपात, तरुल, बस्त्र, पानीको भाँडो र मकलसहितको सिदा दान गरेमा विशेष फल प्राप्त हुने र उक्त पदार्थ आफूले खाएमा शरीर पोषिलो हुनाका साथै निरोगी भइने जनविश्वास छ ।

प्रतिक्रिया

पढ्न लाग्ने समय : 0 मिनेट

सम्बन्धित समाचार

नेपालबहस ट्रेन्डिङ

लोकप्रिय

नेपालमा कोरोना खोप: कसले लगाउने, कसले नलगाउने ? नेपालमा कोरोना खोप: कसले लगाउने, कसले नलगाउने ? १२ घण्टा पहिले
सूर्या लाइफ इन्स्योरेन्सले नगद लाभांश पठायो शेयरधनीको बैंक खातामा सूर्या लाइफ इन्स्योरेन्सले नगद लाभांश पठायो शेयरधनीको बैंक खातामा १८ घण्टा पहिले
नेपाल लाइफ इन्स्योरेन्सको शेयरमूल्य समायोजन, प्रतिकित्ता कति ? नेपाल लाइफ इन्स्योरेन्सको शेयरमूल्य समायोजन, प्रतिकित्ता कति ? १९ घण्टा पहिले
आजदेखि कोरोनाविरुद्धको खोप अभियान सुरु हुँदै, ओलीले भर्चुअलबाट शुभारम्भ गर्ने आजदेखि कोरोनाविरुद्धको खोप अभियान सुरु हुँदै, ओलीले भर्चुअलबाट शुभारम्भ गर्ने २२ घण्टा पहिले
पहिलो दिन ९ हजारले लगाए खोप, स्वास्थ्यकर्मीको संलग्नता उत्साहजनक पहिलो दिन ९ हजारले लगाए खोप, स्वास्थ्यकर्मीको संलग्नता उत्साहजनक १० घण्टा पहिले
बझाङमा खुँडा प्रहार गरेर युवकको हत्या, एक पक्राउ बझाङमा खुँडा प्रहार गरेर युवकको हत्या, एक पक्राउ १७ घण्टा पहिले
कोभिड–१९ विरुद्धको खोप सप्तरीमा पनि शुरु कोभिड–१९ विरुद्धको खोप सप्तरीमा पनि शुरु १५ घण्टा पहिले
अन्तर्राष्ट्रिय बिहुँकोट विकास मञ्च गठन अन्तर्राष्ट्रिय बिहुँकोट विकास मञ्च गठन १६ घण्टा पहिले