नेलम्बोद्धारा विद्यालयलाई युरोगार्ड प्रदान

२२ पुष, पोखरा । विभिन्न सामाजिक कार्यमा सक्रिय पोखरा–४ स्थित नेलम्बो नेपालले माछापुच्छ«े गाउँपालिका–७ धम्पुसस्थित उदय माध्यमिक विद्यालयमा युरोगार्ड सहयोग गरेको छ । नेलम्बो नेपालका जनसम्पर्क अधिकृत भीमप्रसाद भण्डारीले विद्यालयका प्रधानाध्यापक र वडाध्यक्षलाई युरोगार्ड प्रदान गरेको हो ।

अधिकृत भण्डारीले विद्यालयमा स्वच्छ खानेपानी पिउन सहज होस् भन्ने उद्देश्यले युरोगार्डसहित थप स्वास्थ्य सामग्रीसमेत हस्तान्तरण गरेको जानकारी दिए । धम्पुस स्वास्थ्यचौकीलाई पनि दैनिक प्रयोगमा आउने औषधि उपलब्ध गराएको उनको भनाइ थियो ।

वडाध्यक्ष समबहादुर गुरुङले नेलम्बो नेपालका कार्यक्रम अन्य गैह्रसरकारी संस्थाको भन्दा भिन्न प्रकृतिको र पारदर्शी हुने जनाए । उनले भने, “तुलनात्मक रुपमा नेलम्बोले पारदर्शी रुपमा कार्य गर्ने गरेको छ । नेलम्बोसँग सहकार्य गर्दै वडामा थप कार्यक्रम गर्न हामी इच्छुक छौँ ।”

विद्यालयका प्रधानाध्यापक धनबहादुर क्षत्रीले नेलम्बोले विद्यालयका हरेक क्षेत्रमा सहयोग पुयार्उँदै आएको र कोभिड–१९ को महामारीमा विद्यालय सञ्चालनमा उपलब्ध स्वास्थ्य सुरक्षाका सामग्री महत्वपूर्ण रहेको उल्लेख गराए । विद्यालय व्यवस्थापन समितिका अध्यक्ष नरबहादुर क्षत्रीले अहिलेको अवस्थामा विद्यार्थीको स्वास्थ्यलाई विशेष ध्यान दिनुपर्ने बताएकाे छ ।