प्रचण्ड–्नेपाल समुहका बिद्यार्थीले ओलीको पुत्ला जलाए

२३ पुष, काठमाडौं । नेकपा प्रचण्ड–माधव नेपाल निकट विद्यार्थीहरुले संसद बिघटनका बिरुद्धमा प्रधानमन्त्री केपी ओलीको पुत्ला दहन गरेको छ ।

प्रधानमन्त्री ओलीको सिफारिसमा राष्ट्रपतिले संसद बिघटन गरेसँग बिभाजित भएको पुष्पकमल दाहाल–माधवकुमार नेपाल समुहले ओलीको उक्त कदमका बिरुद्ध दोस्रो चरणको आन्दोलनमा रहेको छ ।

जस अन्तर्गन आज उक्त समुहको बिद्यार्थी संगठनले चितवनमा ओलीको पुत्ला दहन गरेको छ । उक्त समुहले ओलीको पुत्लादहन, लाठी जुलुसदेखी दोस्रो चरणका बिभिन्न संघर्षका कार्यक्रम सार्वजनीक गरेको थियो ।

वीरेन्द्र क्याम्पस, सप्तगण्डकी क्याम्पस लगायतका विद्यार्थीहरुले आज बिहान प्रधानमन्त्री ओलीको पुत्ला दहन गरेका हुन् ।