काठमाडौंबाट विप्लवका सेक्रेटरीसहित तीनजना निन्यत्रणमा

२३ पुष, काठमाडौं । काठमाडौंबाट प्रहरीले प्रतिबन्धित नेत्रविक्रम चन्द नेतृत्वको ‘विप्लव’ समूहका तीनजना नेतालाई निन्यत्रणमा लिएको छ ।पक्राउ पर्नेमा समूहका काठमाडौं सेक्रेटरी विपिन भनिने भीमसेन घिमिरे, जिल्ला सदस्य हरिबहादुर चन्द र वीरेन्द्र शाही रहेका छन् ।

प्रहरीको विशेष ब्युरो र महानगरीय प्रहरी कार्यालय, रानीपोखरीको संयुक्त टोलीले मंगलबार साँझ उनीहरुलाई पक्राउ गरेको हो । पक्राउ परेका तीन जनाको साथबाट केही महत्वपूर्ण कागजपत्र पनि बरामद गरिएको प्रहरीले जनाएको छ ।

प्रहरीका अनुसार पक्राउ परेका व्यक्तिविरुद्ध अहिले काठमाडौं प्रहरी परिसर, टेकुले अनुसन्धान गरिरहेको छ । पक्राउ परेका तिनै जनाविरुद्ध चन्दा ऐन अन्तरगत म्याद थप गरिएको छ ।