राष्ट्रियसभा अधिवेशन अन्त्यको सिफारिश

२६ पुष, काठमाडौं । मन्त्रिपरिषदको भर्खरै सम्पन्न बैठकले राष्ट्रियसभाको चालु बैठक आज राति १२ बजेबाट अन्त्य गर्न राष्ट्रपति समक्ष सिफारिश गर्ने निर्णय गरेको छ ।

सरकारका प्रवक्ता एवं सञ्चार तथा सूचना प्रविधिमन्त्री पार्वत गुरुङले यसबारे जानकारी दिएका छन् ।  सरकारले यही पुुसको १७ गतेबाट राष्ट्रियसभाको अधिवेशन आह्वान गरेको थियो ।

प्रतिनिधिसभा विघटन भइसकेकाले राष्ट्रियसभाका लागि सरकारले कुुनै बिजनेश नदिएकाले अधिवेशन अन्त्य गरिएको संसद सचिवालय स्रोतले बतायो ।  अहिले प्रधानमन्त्री केपी ओली राष्ट्रियसभामा भाषण गरिरहेका छन् ।