आइतबार , माघ ४, २०७७

ओखलढुङ्गाका पाँच स्थानीय तहमा ‘एक विद्यालय एक नर्स’ कार्यक्रम लागू

ओखलढुङ्गाका पाँच स्थानीय तहमा ‘एक विद्यालय एक नर्स’ कार्यक्रम लागू

२७ पुष, ओखलढुङ्गा । प्रदेश नं १ का केही विद्यालयमा परीक्षणको रूपमा सञ्चालन गरिएको ‘एक विद्यालय एक नर्स कार्यक्रम’ ओखलढुङ्गाका पाँच स्थानीय तहमा लागू गरिने भएको छ ।

जिल्लाको खिजीदेम्बा गाउँपालिकास्थित कुण्डली मावि खिजीकाती, मोलुङस्थित कुन्तादेवीको सरस्वती मावि बुङ्नाम, चिशङ्खुगढीस्थित सरस्वती मावि खानीभञ्ज्याङ र सुनकोशी गाउँपालिकास्थित कटुञ्जे मावि कटुञ्जे र मानेभञ्ज्याङस्थित हर्कपुर मावि टोक्सेलमा यो कार्यक्रम लागू गरिएको हो ।

प्रत्येक स्थानीय तहमा एक/एक जनाको दरले १३ वटै जिल्लाका स्थानीय तहका लागि नर्स नियुक्ति गर्ने योजना रहेको प्रदेश नं। १ को सामाजिक विकास मन्त्रालयले जनाएको छ ।

प्रदेश नं १ का भौतिक पूर्वाधार विकास राज्यमन्त्री अम्बिरबाबु गुरुङको पहलमा यसअघि नै लिखु गाउँपालिकाको सिंहदेवी र सिद्धिचरण नगरपालिकाको रुम्जाटारमा यो कार्यक्रम लागू भइसकेको छ ।

विद्यालयमा नियुक्तिपछि नर्सहरुले विद्यार्थीलाई स्वास्थ्य सेवा प्रदान गर्नुका साथै विद्यार्थीलाई स्वस्थ्य जीवनशैली तथा सरसफाइलगायत स्वच्छ वातावरण निर्माणका लागि उत्प्रेरित गर्नेछन् । विद्यार्थीमार्फत समुदायमा स्वास्थ्यसम्बन्धी जनचेतनाको काम गराउने र बालिका, किशोरीमा देखिने विभिन्न समस्याको निगरानी गर्ने, उपचारमा सहयोग गर्ने तथा स्वास्थ्य शिक्षा प्रदान गर्ने सामाजिक विकास मन्त्रालयले जनाएको छ ।

विद्यालयमा स्वास्थ्यकर्मी र आधारभूत स्वास्थ्योपचारसहितको सेवा प्रभावकारी बनाइने खिजीदेम्बा– ४ का वडाध्यक्ष कमल न्यौपानेले बताए । “विद्यालयमा स्वास्थ्यकर्मी हुँदा विद्यार्थीका स्वास्थ्य समस्या समाधान र परामर्शका लागि सहज हुनेछ”, उनले भने, “प्रदेश सरकारको यो कार्यक्रममा हाम्रो वडाको माविलाई समावेश गर्न राज्यमन्त्रीमार्फत प्रक्रिया अघि बढाइएको थियो । कार्यक्रम आयो अब यसलाई उच्चतम् सदुपयोग गरेर प्रभावकारी बनाउन हामी लाग्छौँ ।” जिल्लाका अन्य विद्यालयले पनि यो कार्यक्रम शुरु गर्न माग गरिरहेका छन् ।

प्रतिक्रिया

पढ्न लाग्ने समय : 0 मिनेट

सम्बन्धित समाचार

नेपालबहस ट्रेन्डिङ

लोकप्रिय

आजबाट हलमा नयाँ नेपाली फिल्म रिलिज आजबाट हलमा नयाँ नेपाली फिल्म रिलिज ३ दिन पहिले
स्थिर र समृद्ध नेपाल निर्माण नै तीन करोड नेपालीको अभिलाषा : ज्ञवाली स्थिर र समृद्ध नेपाल निर्माण नै तीन करोड नेपालीको अभिलाषा : ज्ञवाली २ दिन पहिले
जुवातास खेलिरहेको अवस्थामा जिल्ला समन्वय समिति प्रमुखसहित ५ जना पक्राउ जुवातास खेलिरहेको अवस्थामा जिल्ला समन्वय समिति प्रमुखसहित ५ जना पक्राउ २ दिन पहिले
२३औँ राष्ट्रिय भूकम्प सुरक्षा दिवसकाे सबै तयारी पूरा २३औँ राष्ट्रिय भूकम्प सुरक्षा दिवसकाे सबै तयारी पूरा ३ दिन पहिले
मोटरसाइकल चोरीको आरोपमा १४ वर्षीय किशोरसहित चार जना पक्राउ मोटरसाइकल चोरीको आरोपमा १४ वर्षीय किशोरसहित चार जना पक्राउ २ दिन पहिले
प्रहरीका ११ जना एसपीलाई एसएसपीमा बढुवा गर्न सिफारिस प्रहरीका ११ जना एसपीलाई एसएसपीमा बढुवा गर्न सिफारिस ४ दिन पहिले
सिटिजन्सले ल्यायाे इन्स्टा बाइ योजना, किस्ताबन्दीमा वस्तु एवं सेवा खरिद गर्न सकिने सिटिजन्सले ल्यायाे इन्स्टा बाइ योजना, किस्ताबन्दीमा वस्तु एवं सेवा खरिद गर्न सकिने २ दिन पहिले
शेयरबजार ईण्ट्राडे हाईमा बन्द हुन सफल ! बुलिस प्रवृत्ति कायमै शेयरबजार ईण्ट्राडे हाईमा बन्द हुन सफल ! बुलिस प्रवृत्ति कायमै ५ दिन पहिले