गण्डकी प्रदेशसभा : कोरोना भाइरसको नाममा मूल्यवृद्धि अत्यधिक
नेपालबहस संवाददाता
पुस २८, २०७७ बुधबार १:४८:४९
२८ पुष, गण्डकी । गण्डकी प्रदेशसभाको विशेष अधिवेशनअन्तर्गत आजको बैठकमा मूल्यवृद्धि सम्बन्धमा जरुरी सार्वजनिक महत्वको प्रस्तावमा छलफल भएको छ । प्रस्तावको छलफलमा अधिकांश सदस्यले मूल्यवृद्धिका कारण सर्वसाधारण जनता मारमा परेको बताउँदै यसको नियन्त्रण हुनुपर्नेमा जोड दिए ।
प्रस्ताव दर्ता गर्ने प्रदेशसभा सदस्य हरिशरण आचार्यले कोरोनाका कारणले मुलुकमा भएको बन्दाबन्दीबाट निर्माण, उत्पादन र सेवा क्षेत्रलगायतका क्षेत्र नराम्ररी प्रभावित भएको बताए । कोरोनाका कारण ती क्षेत्रमा प्रत्यक्ष असर गर्दा आम्दानीमा ह्रास आएको, बेरोजगारी समस्या बढेको र मनोमानीरुपमा मूल्यवृद्धि भएको बताउँदै उनले यसले जनतालाई प्रत्यक्ष मार परिरहेको बताए।
जथाभावी गरिएको मूल्यवृद्धिको सरकारबाट अनुगमन हुन नसकेको बताउँदै उनले दोषीलाई कारवाही नभएको बताए । बजारमा कतिपय सामग्रीमा १२५ प्रतिशतभन्दा बढी महँगी भोग्नुपरेको उल्लेख गर्दै उनले महँगीसँगै देखिएको कालोबजारी नियन्त्रणमा आउन नसक्दा सर्वसाधारण नराम्ररी प्रभावित बनेको बताए । उत्पादित वस्तुमा कृषक तथा उपभोक्ता ठगिएको र विचौलियाले फाइदा लिने गरेको उनको भनाइ छ ।
प्रस्तावको समर्थन गर्दै प्रदेशसभा सदस्य धनमाया लामा पोखरेलले कोरोना भाइरसको नाममा मूल्यवृद्धि अत्यधिक बढेको बताए । मूल्यवृद्धिले सर्वसाधारण अत्यधिकरुपमा प्रभावित भएको बताउँदै उनले बजार अनुगमन गर्न नसक्दा पनि मनोमानी बढिरहेको छ भने। प्रत्येक दैनिक उपभोग्य वस्तुको मूल्य बढेको बताउँदै उनले १२५ प्रतिशतभन्दा बढी महँगीको मारले सर्वसाधारण पीडित बनिरहेको बताए ।
अर्का सदस्य ओमकला गौतमले विपन्न नागरिकका लागि सुपथ मूल्यको कार्ड वितरणको कार्यक्रम ल्याए पनि यसको कार्यान्वयन हुन नसकेको बताउए। बढिरहेको मनोमानी मूल्यवृद्धिको नियन्त्रणका साथै सुपथ मूल्य पसल खोलेर जनतालाई राहत उपलब्ध गराउनु आवश्यक रहेको उनको सुझाव छ । कोरोना महामारीसँगै माक्स, स्यानेटाइजरलगायतको खरीदमा पनि भ्रष्टाचार गरिनु दुर्भाग्य भएको बताउँदै उनले बजारमा अराजकता छाएको र बजार सरकारविहीनताको अवस्थामा रहेको बताए ।
बैठकमा प्रदेशसभा सदस्य कृष्णबहादुर थापा, इन्द्रधारा विष्ट, मनकुमारी गुरुङ, प्रभा कोइराला, जनकलाल श्रेष्ठ, मणिभद्र शर्मा र कृष्ण थापाले मूल्यवृद्धि नियन्त्रणका लागि बजारको अनुगमनलाई प्रभावकारी बनाउँदै दोषीलाई कारवाही गरिनुपर्नेमा जोड दिए ।
छलफलमा उठेका प्रश्नको जवाफमा गण्डकी प्रदेशका उद्योग, पर्यटन, वन तथा वातावरणमन्त्री विकास लम्सालले सरकार मूल्यवृद्धि नियन्त्रणका लागि सरकार निरन्तर क्रियाशील रहेको बताए । बजारको अनुगमनलगायतका कामलाई पनि प्राथमिकतामा राखिएको बताउँदै उहाँले कृषकले उत्पादन गरेका वस्तुको सिधै बजारीकरणतर्फ पनि सरकारको तयारी रहेको उल्लेख गरे ।
मन्त्री लम्सालले बजार अनुगमन नियमावली तयारी गरी अनुगमनको संयन्त्रलाई बजार अनुगमनमा पठाउने गरिएको बताए । भारतमा पनि मूल्यवृद्धि भएका कारण त्यसको प्रभाव नेपालमा पनि परिरहेको उनको भनाइ छ । गण्डकी प्रदेशमा व्यापारी नाफा मात्रै गर्ने नभई इमान्दारिता पनि देखिएको बताउँदै उनले मूल्यवृद्धि नियन्त्रणमा सरकार जिम्मेवारपूर्ण ढङ्गबाट अघि बढिरहेको बताए । प्रदेशसभाको अर्को बैठक आगामी माघ ४ गते दिनको १ बजे बस्नेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
त्रिपालको ओतमुनि तातोपानी कुण्ड : बिरामीलाई सास्ती
बैशाख १२, २०८१ बुधबार
उपभोक्ता हितसंरक्षणमा स्याङ्जा प्रशासनले बढायो निगरानी
बैशाख १२, २०८१ बुधबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
राष्ट्रपतिद्वारा हिमालयन हाइड्रो एक्स्पोको उद्घाटन [ फोटोफिचर ]
बैशाख १३, २०८१ बिहिबार
मनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
कर्णालीका हिमाली जिल्लामा देखिन थाल्यो औलो रोग
बैशाख १३, २०८१ बिहिबार
अभिताभ बच्चनलाई लता दीनानाथ मंगेशकर अवार्ड
बैशाख १३, २०८१ बिहिबार
वर्षको एकचोटि पूजा गर्ने छोर्तेन
बैशाख १३, २०८१ बिहिबार
थुनामा रहेका रायमाझीसहितले सर्वोच्चमा दिएको बन्दी प्रत्यक्षीकरण रिटमा आज पनि सुनुवाइ
बैशाख १३, २०८१ बिहिबार