फेरि खुस्कियो ओलीको नक्कली राष्ट्रवाद
नेपालबहस संवाददाता
पुस २९, २०७७ बुधबार १८:३५:१७
२९ पुष, काठमाडौं । सबैलाई थाहा थियो–प्रधानमन्त्री केपी ओलीको राष्ट्रवाद कम्मल ओढेर घीउ तन्काउने काइदा हो भनेर । यद्यपि उनले नेपाली जनतालाई लामो समय भ्रममा पारे । सधैं भारतीय संस्थापन पक्षको निकट बसेर तत्कालिन एमाले राजनीतिको केन्द्रीय भागमा हैसियत जमाएका ओली २०७२ सालको नाकाबन्दीताका भने कागताली परेर राष्ट्रवादी पगरी ओढ्न सफल भए । त्यसको कारण थियो – भाजपा सरकार र प्रधानमन्त्री नरेन्द्र मोदी ।
मोदीले ओलीलाई खासै महत्व दिएनन् । किनभने ओली कांग्रेस आई निकट व्यूरोक्र्याट्सको गूडलिस्टमा थिए । मोदीले वास्ता नगरेकैले ओली भाजपा सरकारसँग चिढिएका थिए । त्यसैले गर्दा ओली एक्कासी महान राष्ट्रवादी नेता कहलिए । नेपाली जनताले त्यसैको बदलास्वरुप ओलीलाई दुई तिहाई समर्थन प्राप्त प्रधानमन्त्री नै बनाए । तर समयक्रममा काग र कोइली छुट्टिन्छ भनेजस्तै ओलीको सक्कली अनुहार देखिन थालेकै हो । चाहे त्यो आइफा प्रकरणमा होस् वा भारतीय तरकारी र फलफूलमा विषादी परीक्षण नगर्ने सन्दर्भ होस्, ओलीको नक्कली राष्ट्रवाद फेरिपनि उदांगिएकै हो ।
प्रधानमन्त्री भइसकेपछि पनि भारतीय संस्थापन पक्षले नगनेको भन्दै ओली चीनसँग लहसिन खोजेका थिए । अघिल्लो कार्यकालमा त उनको चीनसँग विषेश सम्बन्ध नै रह्यो । तर दोस्रो इनिङमा भने ओली झस्किन पुगे । जब चीनले ओलीको ठाउँमा पुष्पकमल दाहाल ‘प्रचण्ड’लाई प्रधानमन्त्री बनाउने तानाबुना बुन्यो र त्यसको छनक उनले पाए , त्यसपछि त ओली यूटर्न भए ।
चीनले आफूलाई प्रयोग मात्र गर्न खोजेको बुझाई ओलीको भएपछि भने फेरि उनको झुकाव भारततिरै ढल्कियो । यसका लागि ओलीले भारतीय गुप्चर संस्था रअ प्रमुख सामन्तकुमार गोयलको सहयोग लिए । गोयललाई नेपाल बोलाएर उनले मध्यरातमा आफ्नो सरकारी निवासमा घण्टौं छलफल गरे । अनि उनको सम्बन्ध संस्थापन पक्षसँग बलियो बनाउने अभियानको थालनी भयो ।
जी न्यूजको दुईवटा च्यानललाई ओलीले हिन्दी र अंग्रेजी भाषामा अन्तर्वार्ता दिए । अन्तर्वार्ता सुन्दा लाग्थ्यो ओली त फेरि पनि राष्ट्रवादी धार फर्काउने अभियानमा जुटिसकेकाछन् । सोझा जनता फेरिपनि भ्रमित हुने भए । तर ओलीको राष्ट्रवादको धोती त्यतिबेला खुस्कियो जब जी न्यूजका प्रधानसम्पादक सुधीर चौधरीले हिजो राति एउटा यस्तो सनसनीपूर्ण समाचार प्रशारण गरे, जुन नेपाल र नेपालीको शीर छेदन गर्ने थियो ।
त्यसपछि त ओलीले यति बलियो अवस्थामा रहेको अनुभूति गरे की संविधानमा हुँदै नभएको अधिकार प्रयोग गरेर प्रतिनिधिसभा विघटन गरिदिए । लोकतन्त्रको चीर हरण भएको दुनियाँले भन्दैछ । तर लोकतन्त्रको ठेकेदारको रुपमा आफूलाई दाबी गर्ने भारतीय सरकार भने यो मुद्धामा मौन छ । कारण अहिले ओलीलाई चिढ्याउने पक्षमा भारतीय संस्थापन पक्ष रहेन ।
त्यसैको बलमा ओलीले भारतीय सञ्चारमाध्यममार्फत आफ्नो राष्ट्रवादी छविलाई फेरि पुनर्उन्थान गर्न खोजे । त्यसका लागि उनको छनोट यस्तो सञ्चारमाध्यम बन्यो जसलाई समुचा भारतमा गोदी मिडिया अर्थात मोदीको काखे मिडिया भनेर चिनिने जी न्यूज च्यालन बन्यो । यसका लागि ओलीले तिनै गोयलसँग सम्पर्क गराउने सूत्रको प्रयोग गरे ।
जी न्यूजको दुईवटा च्यानललाई ओलीले हिन्दी र अंग्रेजी भाषामा अन्तर्वार्ता दिए । अन्तर्वार्ता सुुन्दा लाग्थ्यो ओली त फेरि पनि राष्ट्रवादी धार फर्काउने अभियानमा जुटिसकेका छन् । सोझा जनता फेरिपनि भ्रमित हुने भए । तर ओलीको राष्ट्रवादको धोती त्यतिबेला खुस्कियो जब जी न्यूजका प्रधानसम्पादक सुधीर चौधरीले हिजो राति एउटा यस्तो सनसनीपूर्ण समाचार प्रशारण गरे, जुन नेपाल र नेपालीको शीर छेदन गर्ने थियो । चौधरीले ओलीको अन्तर्वार्ता लिएको भोलिपल्टै सगरमाथाको बेसक्याम्पमा पुगेर अर्काे रिपोर्टिङ गरे , जसमा उनले माउण्ट एभरेष्टमा भारतको दाबी रह्यो । उनले सगरमाथाको पहिलोपटक म्यापिङ गर्ने राधाकृष्ण सिकन्दरकै नाममा अब नामाकरण गर्नुपर्ने तर्क गरेकाछन् । साथै, यसका लागि आफूले अब अभियानकै थालनी गर्ने उद्घोष गरे ।
प्रधानमन्त्री ओलीको रोजाइमा परेका चौधरीले यस्तो दाबी गर्दा नेपाल सरकार मौन छ । जी न्यूज त्यही च्यानल हो , जसले ओली र चिनियाँ राजदूत होउ यान्छीबीच गलत समाचार सम्प्रेषण गरेको थियो । विष कन्याले ओलीलाई लठ्याएको भन्दै लामो समाचार प्रस्तुुत गरेको थियो । आखिर त्यही च्यानलले ओलीको अन्तर्वार्ता लियो र सगरमाथामा पुगेर समूचा नेपालको हुर्मत लिने गरि समाचार संम्प्रेषण गरेको छ । यसैबाट पनि प्रष्ट हुन्छ की ओलीको राष्ट्रवाद केवल जनता भ्रमित पार्ने फण्डा मात्रै हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
पुरख्यौली नृत्य प्रतियोगिता
बैशाख १३, २०८१ बिहिबार
तनहुँको पर्यटकीय नगरी बन्दीपुर बजार
बैशाख १३, २०८१ बिहिबार
'टिकटक'बारे अमेरिकाले ल्यायो नयाँ कानुन- शेयर बेच्नेकी प्रतिबन्ध झेल्ने !
बैशाख १३, २०८१ बिहिबार
चितवनमा बसको ठक्करबाट तीर्थयात्रीको मृत्यु
बैशाख १३, २०८१ बिहिबार
नेपाल–चीन सहायता परियोजनाको पहिलो बैठक सम्पन्न
बैशाख १३, २०८१ बिहिबार
पोखरामा एसिया कप तथा साउथ एसियन ट्रायथोलन च्याम्पियनसिप हुँदै
बैशाख १३, २०८१ बिहिबार