ज्ञवालीको भारत भ्रमणप्रति नागरिक अगुवाको चासो
नेपालबहस संवाददाता
पुस २९, २०७७ बुधबार २०:४०:३३
२९ पुष, काठमाडौं । प्रतिनिधिसभा विघटन गरेका प्रधानमन्त्री केपी ओली भन्छन्– मेरो सरकार फुलफ्ल्ज्ड हो । गएको सोमबार उनले एउटा भारतीय च्यानललाई अन्तर्वार्ता दिंदै भनेका थिए – नेपालको संविधानमा केयरटेकर प्राइमिनिष्टरको कुनै प्रावधान छैन । कदाचित प्रधानमन्त्री नरहेको अवस्थामा मात्रै वरिष्ठ मन्त्रीले केयरटेकरको भूमिका निर्वाह गर्ने ओलीको बुझाई हो । त्यसैले उनी आफ्नो सरकार जस्तो सुकै निर्णय लिन स्वतन्त्र र सक्षम छ भन्दैछन् ।
अन्तर्वार्ताकारले उठाएको प्रश्न थियो–प्रतिनिधिसभा नै नभएकाले तपाईं स्वतः कामचलाउ हुनुभयो, तर मन्त्रिपरिषद विस्तार गर्दैहुनुहुन्छ ?जवाफमा ओलीले आफ्नो सरकार पूर्णकालिक भनेपनि संविधानले त्यसलाई मान्यता दिएको छैन । यसबारे सर्वाेच्च अदालतमा मुद्धा विचाराधिन छ । सुनुवाई जारी रहेकाले हेर्दाहेर्दैको अवस्थामा छ । यसबारे आगामी पुष २९ गते निर्णय सुनाइने सम्भावना रहेको छ ।
तर ओली सरकार भने आफू कामचलाउ भएको मान्दैन । त्यसै पृष्ठिभूमिमा ओलीले आफ्ना परराष्ट्रमन्त्री प्रदीप ज्ञवालीलाई भोलिबाट भारतको औपचारिक भ्रमणका लागि पठाउँदै छन् । भ्रमणका बेला नेपाल भारतबीच दीर्घकालिन प्रभाव पर्ने विषय र मुद्धामासमेत सन्धि सम्झौता गर्ने तयारी रहेको स्रोतले बताएको छ । यस्तो गाइँगुई कर्मचारीवृत्तमा समेत देखिएको छ । त्यसैले नागरिक समाजका अगुवा एवं पूर्व राष्ट्रसेवकहरुले सरकारलाई त्यसो नगर्न खबरदारी गरेका छन् ।
आज समाजका १५ जना अगुवाहरुले संयुक्त विज्ञप्ति निकालेरै कामचलाउ सरकारका परराष्ट्रमन्त्रीले भारतसँग दीर्घकालिन असर पर्ने सम्झौता नगर्न चेतावनी दिएका छन् । जसमा पूर्व मुख्यसचिवहरु लीलामणि पौडेल, डा. सोमलाल सुवेदी, पूर्व अख्तियार प्रमुख सूर्यप्रसाद उपाध्यायलगायत नागरिक अगुवा रहेका छन् । कामचलाउ मन्त्रीका हैसियतले भ्रमणमा जान लागेका मन्त्री ज्ञवालीले दीर्घकालिन असर पर्ने खालका कुनैपनि सन्धि वा सम्झौता गर्न नमिल्ने विज्ञप्तिमा उल्लेख छ ।
आज वक्तव्य जारी गर्नेहरुमा डा. ऋषि अधिकारी,इन्दिरा दली,कृष्ण ज्ञवाली, डा. खगेन्द्र प्रसाईं,दीपेन्द्रबहादुर क्षेत्री,निनु चापागाईं,मानवी पौडेल,युवराज पाण्डे,डा. सूर्यराज आचार्य,शारदाप्रसाद त्रिताल,डा. शूरवीर पौडेल र हृरण्यलाल श्रेष्ठ समेत रहेका छन् । प्रधानमन्त्री ओलीले प्रतिनिधिसभा विघटन गरी नयाँ निर्वाचन मितिसमेत घोषणा गरेकोले सरकार स्वतः कामचलाउ भएको उनीहरुको ठहर छ ।
अहिलेको तरल राजनीतिक अवस्थाका बेला परराष्ट्रमन्त्रीको भारत भ्रमण आफैंमा विवादित हुन सक्ने भन्दै यो भ्रमण केवल द्विपक्षीय सम्बन्ध सुधारमा मात्रै केन्द्रित हुनुपर्ने उनीहरुको तर्क रहेको छ ।मन्त्री ज्ञवाली भारतको तीनदिने भ्रमणका लागि भोलि त्यसतर्फ जाँदैछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार
अन्तर्राष्ट्रिय अदालतद्वारा गाजामा निर्बाध सहायता अनुमति दिन आदेश
चैत १६, २०८० शुक्रबार