महोत्तरीबाट कटुवा पेस्तोलसहित एकजना नियन्त्रणमा

१ माघ, महोत्तरी । नेपाल प्रहरीले महोत्तरीबाट कटुवा पेस्तोलसहित एकजनालाई पक्राउ गरेको छ । पक्राउ पर्नेमा धनुषाको जनकपुर उपमहानगरपालिका-१७ मनहरपुर बस्ने ३३ वर्षीय राम शंकर मण्डल रहेका छन् ।

प्रहरीले उनलाई मटिहानी नगरपालिका-८ चिउरामिलबाट बिहीबार बिहान नियन्त्रणमा लिएको हो । प्रहरी चौकी मटिहानीबाट खटिएको प्रहरीले उनको साथबाट १ थान कटुवा पेस्तोल र १ राउण्ड गोली बरामद गरेको छ ।

यस सम्बन्धमा प्रहरीले थप अनुसन्धान गरिरहेको छ ।