नेपाल भन्छन्, ओलीले अव्यवस्था र अशान्ति चाहेका छन् चुनाव हुँदैन !

२ माघ, दाङ । नेपाल कम्युनिष्ट पार्टी ‘नेकपा’ अध्यक्ष एवं पूर्व प्रधानमन्त्री माधवकुमार नेपालले प्रधानमन्त्री केपी ओलीले अव्यवस्था र अशान्ति चाहेकोले चुनाव नहुने ठोकुवा गरेका छन् ।

प्रेस संगठन दाङले शानिबार ‘आज’ घोराहीमा आयोजना गरेको पत्रकार भेटघाटमा बोल्दै अध्यक्ष एवं पूर्व प्रधानमन्त्री नेपालले आधिकारिक नेकपा आफूहरु भएको चर्चा गर्दै ओली नेतृत्वको नेकपालाई ओली गुटको संज्ञा दिए । प्रतिगमन विरुद्ध संयुक्त आन्दोलनबारे अन्य राजनीतिक दलहरुसंग छलफल चलिरहेको उनले बताए ।

पत्रकार भेटघाट कार्यक्रममा नेकपा स्थायी कमिटी सदस्य नारायणकाजी श्रेष्ठ, कृष्णबहादुर महरा, वर्षमान पुन अनन्त, पूर्व सभामुख ओनसरी घर्ती लगायतका नेताहरुको उपस्थिति थियो ।

उनीहरु नेकपा, दाङले आज तुलसीपुरमा आयोजना गरेको कार्यकता प्रशिक्षण कार्यक्रममा सहभागी हुन दाङ गएका हुन्। प्रेस संगठन दाङका अध्यक्ष प्रकाश चौधरीको अध्यक्षतामा भएको सो कार्यक्रमको सहजीकरण  भएकाे हाे ।