भोलिदेखि सिंगटी हाइड्रो इनर्जीकाे १४ लाख ५० हजार कित्ता आईपीओ निष्कासन हुँदै

३ माघ, काठमाडौं । सिंगटी हाइड्रो इनर्जी कम्पनी लिमिटेडले भोलि अर्थात माघ ४ गते, आइतबारदेखि आयोजना प्रभावित स्थानियहरूका लागि आइपिओ निष्कासन गर्ने भएको छ ।

कम्पनीले पहिलो चरणमा आयोजना प्रभावित क्षेत्रका स्थानीयका लागि प्रतिकित्ता १०० रुपैयाँ अंकित दरमा १४ करोड ५० लाख रुपैयाँ बराबरको १४ लाख ५० हजार कित्ता आइपिओ निष्कासन तथा बिक्री खुल्ला गर्न लागेको हो ।

पहिलो चरणमा आईपीओ बाँडफाँड पश्चात कम्पनीले दोश्रो चरणमा सर्वसाधारणका लागि शेयर निष्कासन गर्नेछ । कम्पनीले दोस्रो चरणमा २९ करोड रूपैयाँ बराबरको २९ लाख कित्ता आइपिओ निष्कासन गर्नेछ ।

हाइड्रो कम्पनीले ४३ करोड ५० लाख रूपैयाँ बराबरको ४३ लाख ५० हजार कित्ता आईपीओ निष्कासन गर्न पुस २१ गते, मंगलबार अनुमति पाएको थियो । कम्पनीको उक्त साधारण शेयर सार्वजनिक गर्न निष्कासन तथा बिक्री प्रबन्धक मेगा क्यापिटल मार्केट लिमिटेडले रहेको छ ।