ओलीको असंवैधानिक कदम बिरुद्ध कांग्रेस आज पनि सडकमा
नेपालबहस संवाददाता
माघ ३, २०७७ आइतबार ०:२:४३
३ माघ, दमक । प्रधानमन्त्री केपी शर्मा ओलीको असंवैधानिक कदम बिरुद्ध नेपाली कांग्रेस झापाले आज पनि सडकमा प्रदर्शन गरेको छ । वर्तमान सरकारको असंबैधानिक तथा अलोकतान्त्रिक कदमका बिरुद्धमा नेपाली कांग्रेसले चरणबद्ध रुपमा आन्दोलका कार्यक्रमहरु सञ्चालन गर्दै आईरहेको छ ।
देशमा उत्पन्न पछिल्ला राजनैतिक घटनाक्रमहरुका बारेमा र संबैधानिक संकटका बारेमा समेत कुनै बिश्वासयोग्य राजनैतिक निकास दिन सरकारले राजनैतिक दल तथा सम्बद्ध निकायहरुसँग कुनै पनि छलफल नचलाएका कारण पनि बर्तमान सरकार अधिनायकबादको बाटोमा अग्रसर भएको भन्ने पुष्टि गर्दछ ।
शुरुमा कांग्रेस सभापतिकै साथ र समर्थनमा प्रधानमन्त्री ओलीले गैर संबैधानिक कदम उठाए पनि अब भने शेरबहादुर देउवाको साथ नपाउने अवस्था सृजना भएको छ । नेपाली कांग्रेसमा सभापति शेरबहादुर देउवाले आफुलाई जे मन लाग्यो त्यहि हुने अवस्था बिस्तारै न्यून हुँदै गैरहेको छ । नेपाली कांग्रेसका बर्तमान केन्द्रीय सदस्य तथा भावी पार्टी सभापतिका दाबेदार डा. शेखर कोईरालाको सुझबुझपूर्ण विचार र उनले लिएका राजनैतिक अडानले अहिले नेपाली कांग्रेसलाई कम्यूनिष्टहरुको चंगुलबाट निकाल्न सहयोगी साबित बन्दै गैरहेको छ । डा. शेखर कोईरालाकै अडानका कारण पनि नेपाली कांग्रेस ओली सरकारको मतियार बन्न सरकारमा नजाने स्पष्ट अडानका साथ नागरिकहरुका काखमा आन्दोलनका कार्यक्रमहरु लिएर बिस्तारै सडकमा आउँदैछ ।
देशमा राजनैतिक संकट आउँदा देशका प्रधानमन्त्रीले देशमा क्रियाशिल राजनैतिक दलहरुसँग ब्यापक र बिस्तृत रुपमा राजनैतिक छलफल गर्नुपर्ने र राजनैतिक संकटको निकास निकाल्न पहल गर्नुपर्नेमा झन–झन उग्र गैरराजनैतिक भाषणबाजी र ब्यक्ति बिरोधमा उत्रिनु आफैमा पनि लज्जाजनक बिषय हो । प्रधानमन्त्री ओली अहिले राजनैतिक संकटको निकासमा भन्दा पनि उरन्ठेउले भाषणबाजी गर्दै टिकटकमा भाईरल भैरहेका छन् यसले देशमा बिद्यमान राजनैतिक संकट समाधान गर्न कुनै पहल गर्दैन ।
शुरुमा नेपाली कांग्रेसका सभापति अब चुनाव हुने भो, नेपाली कांग्रेसको बहुमत आउने भो, अब बैशाखमा नेपाली कांग्रेसको सरकार बन्छ, हामी सबै निर्वाचनमा जानुपर्छ भनेर हौसिएका थिए । संसद पुर्नस्थापनाको बिषयमा अहिल्यै केहि पनि नबोलौं भनेर पार्टीमा व्हिप समेत जारी गरेका थिए । तर वर्तमान सरकार निर्वाचन गराउन, देशलाई राजनैतिक निकास दिन र देशमा राजनैतिक स्थायित्व प्रदान गर्न चाहदैन भनेर स्वयं देउवाजीले पनि बुझिसके पछि उनि पनि नागरिकहरुको सहभागितामा सडक आन्दोलनमा ओर्लिएका हुन ।
नेपाली कांग्रेसका बरिष्ठ नेता डा. शेखर कोईरालाले पटक पटक वर्तमान सरकारको हुकुमी शासनशैलीको र अलोकतान्त्रिक प्रकृयाबाट लोकतन्त्रका मुटुमा भएको प्रहारको शशक्त रुपमा प्रतिकार गर्दै आउनु भएको छ । नागरिकहरुको सहयोग र समर्थन लिएर सडकमा जानुपर्ने कुरा धेरै अगाडिदेखि नै उनले उठाउँदै आएका थिए । यसलाई दह्रो साथ र समर्थन बरिष्ठ नेता रामचन्द्र पौडेलबाट पनि रहेपछि नेपाली कांग्रेसमा देउवा लाईन बिस्तारै अल्पमतमा पर्दै गएको थियो । नेपाली कांग्रेस पार्टीभित्र रहेको बैचारिक समूह भन्ने अर्को समूह पनि आन्दोलनको पक्षमा देखिए पछि देउवा करैकरले सडक आन्दोलनमा जान बाध्य भएका हुन ।
स्थिर राजनीति र दिगो विकासका लागि नेपाली जनताले दिएको पटक पटकको बहुमत र बर्तमान सरकारको नेतृत्व गरिरहेको दल नेपाल कम्यूनिष्ट पार्टी(नेकपा)लाई दिएको झण्डै दुई तिहाईको जनादेशलाई समेत नेपालका राजनैतिक दलहरुले जनता र देशको पक्षमा उपयोग गर्न सकेनन् । जनता स्थायित्व र विकास चाहने, नेता भने सधैं कुर्सी र पद मात्रै चाहने भएका कारण पनि देशले कहिल्यै स्थायीत्व र विकास पाउनै सकेन । जनताका आशा, अपेक्षा, चाहना, इच्छा र भावनामा सधैं कुठाराघात गर्दै फेरि लाज पचाउँदै ताजा जनादेश भन्दै जनताका आँगनमा जाने राजनैतिक दलहरुलाई नेपाली जनताले पटक–पटक धोका पाउँदा पनि चिन्न नसक्नु नै वर्तमान राजनीतिक अन्यौलता र अस्थिरताको द्यौतक हो ।
देशले पटक–पटक भोगेको मध्याबधि निर्वाचन र पटक–पटकका संसद बिघटनका गलत कार्यहरुलाई अत्यन्तै सुक्ष्म तवरले अध्ययन गर्दै र ६/६ महिनामा सरकार गिराउने र पटक– पटक मध्याबधि निर्वाचन गराउने प्रकृयालाई रोक्नका लागि नै वर्तमान नेपालको संबिधानको धारा ७६ को व्यवस्था गरिएको र वर्तमान संबिधानमा कुनै पनि प्रधानमन्त्रीको व्यक्तिगत लहड र कुनै पनि राजनैतिक दलको आन्तरिक किचलोकै कारण संसदले मृत्यूबरण गर्नु पर्ने अबस्था आउन सक्दैन भन्ने कुरालाई नै नेपाली कांगैसले अहिले जोडदार रुपमा उठाउनु पर्ने कुरामा नेपाली कांग्रेसका नेता डा. शेखर कोईरालाको अडान रहदै आएको छ ।
सरकारको गलत र असंबैधानिक कदमका बिरुद्धमा मुलुकको सर्बोच्च संस्था राष्ट्रपतिबाट रोक्न सक्नुपथ्र्यौ तर बर्तमान राष्ट्रपति प्रधानमन्त्रीकै सल्लाहकार जस्तो मात्र रहेको र प्रधानमन्त्रीका जुनसुकै कदमको अन्धोभक्त समर्थन गरेको देखिएकोले वर्तमान राष्ट्रपतिले समेत मुलुकको संबिधान राम्रोसँग अध्ययन गरेकी छैनन् भन्ने भान हुन थालेको ।
आफ्नाे परिवारको अभिभावकले मति बिगार्दा परिवारका अन्य सदस्यरुले संझाउने, बुझाउने, त्यति गर्दा पनि नभए ब्यबहार आफैले हातमा लिनु पर्नेमा नेकपा भित्रको अभिभावकले बाटो बिराएर जतासुकै, जे पायो त्यहि बर्बराउँदै हिँडदा, राजनैतिक बिचलन र गैर संबैधानिक कदम उठाउँदा पनि नेतृत्व तहको मौनता र कार्यकर्ता तहबाट भएको अन्धोभक्त जयजयकारले भोली तिनैलाई ठूलो राजनैतिक क्षति हुने कुरा बुभ्mन नसक्नु पनि नेकपा भित्रको वर्तमान राजनैतिक संकटको एउटा कडीका रुपमा दिन सकिन्छ ।
लामो समयसम्मको नेकपाको आन्तरिक बिबादले पार्टी बिभाजनको अवस्थासम्म त ल्यायो नै यसले अन्ततः सिंगो ब्यवस्थामाथि नै खतराको घण्टी बज्ने अवस्थामा ल्याएर छाडिदिएको छ । यसले भोलिको राजनैतिक निकास के हुने हो ? भनेर प्रश्न चिन्ह पनि खडा गरिदिएको देखिदैछ । यसैको बिरुद्धमा नेपाली कांग्रेसले गत पुष २५ गते देशैभरीका सम्पूर्ण गाँउ तथा नगरपालिका क्षेत्रमा बर्तमान सरकारको असंबैधानिक तथा अलोकताीनत्रक कदमको बिरोध गर्ने, बिना अधार बिघटन गरिएको संसद पुर्नस्थापना हुनुपर्ने, जनताका जनजिविकाका सवालमा सरकार गम्भिर हुनुपर्ने, लगायतका बिषयहरुलाई शम्बोधन गर्न आमसभाहरुको आयोजना गर्दैछ । नागरिकहरुमा देखिएको वर्तमान सरकार प्रतिको बितृष्णा र नेपाली कांग्रेस प्रतिको विश्वास र समर्थनका कारण पनि नेपाली कांग्रेसले आयोजना गरेको बिरोध कार्यक्रमहरुमा अत्यन्तै उत्साहजनक सहभागिता देखिदैछ । देशब्यापी बिरोध कार्यक्रममा समेत नेपाली कांग्रेसले व्यापक जनसहभागिता रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआजदेखि एसईई परीक्षा सुरु, पाँच लाख बढी विद्यार्थी सहभागी [ फोटोफिचर ]
चैत १५, २०८० बिहिबार
गर्जमुनिका बादी गर्जो टार्नकै लागि भारत पलायन
चैत १३, २०८० मंगलबार
एकै ठाउँमा तीन वटा नगदेबाली
चैत १३, २०८० मंगलबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार