मुक्तिनाथ विकास बैंकले ४.२६ प्रतिशत नगद लाभांश सेयरधनीको बैंक खातामा पठायो

४ माघ, काठमाडौं । मुक्तिनाथ विकास बैंकले ४.२६ प्रतिशत नगद लाभांश सेयरधनीको बैंक खातामा पठाइदिएको छ । बैंकले पुस १२ गतेसम्म डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो । त्यस्तै, सो मितिपछि बैंक खाता अद्यावधिक गर्नेहरुको हकमा पनि नगद जम्मा गर्ने तयारी भइरहेको बैंकको भनाई छ ।

यता, मुक्तिनाथले नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनेको छ । अपडेट गरेपछि लाभांश पाइनेछ । बैंकको पुस २५ गते सम्पन्न साधारण सभाले आर्थिक वर्ष २०७६/७७ को नाफाबाट ११.२५५ बोनस सेयर र ४.२६५ नगद लाभांश वितरण गर्ने प्रस्ताव पारित गरेको थियो ।