आज निर्वाचन आयोगले सर्वदलीय छलफल गर्दै

४ माघ, काठमाडौं । निर्वाचन आयोगले आज सर्वदलीय छलफल गर्दै छ । छलफलका लागि दलका प्रतिनिधिहरुलाई आयोगले कान्तिपथस्थित आफ्नै कार्यालयमा बोलाएको छ ।  प्रधानमन्त्री केपी ओलीको चर्काे दबाब थेग्न नसकेर आयोगले आज सर्वदलीय बैठक डाकेको हाे । निर्वाचन हुन्छ भन्ने ओलीको एकोहोरो अडानलाई आधार मान्दै आयोगले यस्तो बैठकको तयारी गरेको हो ।

गएको पुष ५ गते प्रधानमन्त्री ओलीको सिफारिशमा राष्ट्रपति विद्यादेवी भण्डारीले गरेको प्रतिनिधिसभा विघटनबारे अहिले सर्वाेच्च अदालतमा वहस पैरवी जारी छ । आगामी बैशाख १७ र २७ गते दुई चरणमा गर्न तोकिएको मितिमा निर्वाचनहुने नहुने अहिल्यै स्पष्ट भइसकेको छैन ।

ओली बाहेकका राजनीतिकशक्तिले असंवैधानिक रुपमाभएको विघटनको सिफारिश बदर हुनुपर्ने आवाज उठाएर सडक संघर्ष चर्काएका छन् । तर आयोग भने निर्वाचन भइछाड्ने ओलीकै बोलीमा लोली मिलाउँदै गतिविधि अगाडि बढाइरहेको छ ।

आजका लागि बोलाइएको बैठकमा ओलीपक्षको सहभागितानिश्चित रहेको छ । त्यस्तै , प्रमुख प्रतिपक्षी दल नेपाली कांग्रेस र जनता समाजवादी पार्टीले समेत सहभागिताजनाउने संकेत गरेका छन् । तर पुष्पकमलदाहाल प्रचण्ड – माधवकुमार नेपाल समूहले भने सर्वदलीय बैठकमा नजाने प्रष्ट्याएको छ ।

उक्त समूहका एक नेताकाअनुसार, सर्वाेच्चबाट अन्तिम टुुंगो नलागिकननिर्वाचनसम्बन्धीगतिविधि बढाउने काम आफैंमा गलत र अव्यबहारिक हो । साथै, आयोगलाई आफूहरुले यसअघि नै कुनै गतिविधि सञ्चालन नगर्न आग्रह गर्दागर्दै जवर्जस्ती सर्वदलीय बैठक गर्नु गलत रहेको पनि उनले बताए ।