सेनाद्वारा १५० परिवारलाई कम्बल वितरण

४ माघ, काठमाडौं । नेपाली सेनाको चन्दननाथ गण र श्री नं २८ बाहिनी अड्डाका ले आज १५० परिवारलाई न्यानो कपडा वितरण गरेको छ । चन्दननाथ गणका गणपति श्यामशरण गोतामे र श्री नं २८ बाहिनी अड्डाका बाहिनीपति जोन्सन खड्कासहितको टोलिले बाराको जीतपुर सिमरा उपमहानगरपालिका १८ र १९ मा बस्ने आर्थिक रुपले विपन्न परिवारलाई कपडा वितरण गरेका हुन् । उक्त वडामा बसोबास गर्दै आएका मुसहर, पासवान, माझी लगायत समुदायको बस्तीमा न्यानो कपडा (कम्बल) वितरण गरेको सेनाले जनाएको छ ।