शेयरधनीलाई सबैभन्दा खुशी बाँड्ने वाणिज्य बैंक बन्याे नबिल बैंक

५ माघ, काठमाडौं । पुराना बाणिज्य बैंकहरुमध्ये सदैव आफुलाई अब्बल रुपमा प्रस्तुत गर्दै आएको नबिल बैंकले आर्थिक वर्ष ७६/७७ मा सबैभन्दा धेरै लाभांश दिएर आफुलाई एकनम्बरको बाणिज्य बैंकको रुपमा स्थापित गर्न परि सफल भएको छ ।

आर्थिक वर्ष ७६/७७ मा कम्पनीले ३३ दशमवल ५ प्रतिशत बोनस शेयर र १ दशमवल ७६ प्रतिशत नगद लाभांश गरी ३५ दशमवल २६ प्रतिशत लाभांश दिएर आफ्नो वार्षिक साधारणसभा सम्पन्न गरेको छ । बैंकले कोरोना कहरका बीचमा पनि व्यापार बढाएर यति धेरै लाभांश दिई लगानीकर्तालाई निकै खुशी बनाएको हो ।

नबिलले ३५ प्रतिशत लाभांश दिँदा दोश्रोमा एनआईसी एशिया बैंकले २० प्रतिशत र हिमालयन बैंकले २० प्रतिशत लाभांश दिएका छन् । पहिलो र दोश्रो नम्बरका बैंकहरुमा निकै ठूलो फरक देखिएको छ ।

यो वर्षमात्र नभएर नबिल बैंकले विगतका वर्षहरुमा पनि निकै आकर्षक लाभांश दिदै आएको थियो । नबिल बैंकको विगत दश वर्ष देखिको लाभांशको ईतिहास हेर्दा बैंकले कुनै वर्ष पनि तीस प्रतिशत भन्दा कम लाभांश दिएको छैन् ।

सेलिब्रेटी बैंकरको छवि बनाएको अनिल शाह नबिल बैंकको सीईओका रुपमा नेतृत्व गरिरहेका छन् भने ३३ बर्षभन्दा लामो समय नेपालको बैंकिङ क्षेत्रमा कार्यरत उपेन्द्र पौड्यालले केही समय अघि नबिलको सञ्चालक समितिको अध्यक्षका रुपमा नीतिगत नेतृत्व सम्हालेका छन् ।अध्यक्ष पौड्याल नेदरल्याण्डको ग्लोबल अलायन्स फर बैंकिङ अन भ्यालुका दक्षिण एशिया निर्देशक पनि हुन ।

त्यस्तै बिग मर्ज भएर आकारको हिसाबमा ठूलो बैंक बनेको ग्लोबल आईएमई बैंक छोडेर सुजित शाक्य, कुशल बैंकर एवं चार्टर्ड एकाउन्टेण्ट मनोज ज्ञवालीदेखि कुशल बैंकर कृष्ण सुवेदीसम्म नबिलको नेतृत्व तहमा रहेर कार्य सम्पादन गरिरहेका छन् ।