बुक बिल्डिङ विधिबाट आईपीओ जारी प्रस्ताव पारित गर्न सर्वोत्तम सिमेन्टले मंगलबार डाक्यो साधारणसभा

६ माघ, काठमाडौं । सर्वोत्तम सिमेन्ट कम्पनीले बुक विल्डिङ विधिबाट आईपीओ जारी प्रस्ताव पारित गर्न आज मंगलबार साधारणसभा गर्ने भएको छ । कम्पनीको वार्षिक साधारण सभा काठमाडौं–३२ तीनकुनेमा रहेको न्यौपाने टावरमा बोलाइएको हो ।

कम्पनीको वार्षिक साधारण सभा काठमाडौं–३२ तीनकुनेमा रहेको न्यौपाने टावरमा बोलाइएको छ । सिमेन्ट उद्योगको पुस ८ गते बसेको सञ्चालक समितिको बैठकले आईपीओ निष्काशन गर्ने प्रस्ताव गरेको थियो । साधारणसभाको निर्णयपछि सिमेन्टले सार्वजनिक निष्कासनका लागि धितोपत्र बोर्डमा आवेदन गर्नेछ।

२०७६ साउनमा प्राइभेटबाट पब्लिक कम्पनीमा रूपान्तरण भएको सर्वोत्तमले चुक्ता पूँजीको १५ प्रतिशत अर्थात ६० लाख कित्ता शेयर निष्काशन गर्ने तयारीमा छ । चालु आर्थिक वर्षभित्रै शेयर निष्कासन गरिसक्ने कम्पनीको योजना छ ।