बादल दोस्रो हुन खोज्दा ओली क्याम्पमा हलचल : पोखरेल, र नेम्वाङ तनावमा
नेपालबहस संवाददाता
माघ ६, २०७७ मंगलबार १८:४७:२७
६ माघ, काठमाडौं । दश वर्षे जनयुद्ध र बर्षौसम्मको सम्बन्ध तोडेर केपी ओली क्याम्पमा प्रवेश गरेका रामबहादुर थापा (बादल) ओलीपछिको नेता हुने कसरतमा लागेपछि उपप्रधानमन्त्री ईश्वर पोखरेल र सुवास नेम्वाङ तनावमा परेका छन् । ओली क्याम्पमा ओली पछि को नेता हुने प्रतिस्पर्धा भएपछि थापाले उछिन्न लाग्दा उनीहरु तनावमा परेका हुन् ।
गृहमन्त्री रहेका बादलले आफूलाई ओलीपछिको नेताको रुपमा प्रस्तुत गर्न थालेका छन् । पार्टी एकताको झल्को नै दिने गरी आफूपछिको दोस्रो नेताको रुपमा स्थान दिने बताए पनि त्यो अनुसारको व्यवहार हुन नसके र उपप्रधानमन्त्री ईश्वर पोखरेल र सुवास नेम्वाङले पाखा लगाउन खोजेपछि बादल त्यसभित्र आफ्नो तर्फबाट केन्द्रीय सदस्यहरु बनाउन लागि परेका छन् । बादललाई अरु पाँच सय जना केन्द्रीय सदस्य बनाउने अनुमति दिइएको छ ।
अर्काेतिर बादलले जबर्जस्ती ओलीपछि आफू नै भएको देखाउने गरी ओली गुटको भेला, बैठकहरुमा अभिव्यक्ति दिन थालेपछि उपप्रधानमन्त्रीसमेत रहेका नेता ईश्वर पोखरेल झस्किन थालेका छन् । बादलले गत हप्तामात्रै ललितपुर महालक्ष्मीस्थानमा भएको खेलकुदकर्मीहरुको भेलामा ओली र आफूलाई समकक्षीको रुपमा चित्रित गर्दै भाषण दिएका थिए ।
उक्त भाषणपछि ओली क्याम्पमा खैलाबैला भएको स्रोतले जनाएको छ । बादलले त्यहाँ तपाईहरु प्रचण्ड नेपाल समूहमा लाग्ने कि ओली बादल समूहमा भन्दै नेकपाको ओली र आफू दुबै अध्यक्ष रहेको सन्देश दिएका थिए । नेकपाको विधानमा दुई अध्यक्षको ब्यवस्था छ । अर्काे पक्षमा प्रचण्ड अध्यक्ष छँदैछन् । ओलीलाई यो समूहले अनुशासनको कारबाही गर्दै पार्टी अध्यक्षबाट हटाएको छ ।
ओलीको स्थानमा पार्टी अध्यक्षमा वरिष्ठ नेता माधव नेपाललाई अध्यक्ष चयन गरेको छ । अहिले भने ओलीलाई साधारण सदस्यबाट पनि किन कारबाही नगर्ने भन्दै स्पष्टीकरण सोधिएको छ । त्यस्तै ओली पक्षले भने अब ओलीपछिको वरियतामा को भन्ने टुंगाे लगाएको छैन् । बादलले प्रचण्ड नेपाल समूह छोडेर ओली समूहमा लाग्दा उनलाई ओलीले बामदेव गौतम पार्टीमा आए गौतमपछि र नआए आफूपछिको दोस्रो नेता बनाउने आश्वासनसहित आफ्नो समूहमा लगेको चर्चा चल्ने गरेको छ । तर व्यवहारमा भने त्यस्तो नभएको गुनासो उनले यदाकदा सुरु गर्न थालिसकेका छन् ।
पूर्व माओवादी धारका र अहिले ओली क्याम्पमा लागेका ब्यक्तिहरु बादलसँग नजोडियून भनेर अहिले पोखरेलले तिनीहरुलाई बोलाइ बोलाइ आफूसँग नजिक तुल्याउने र भित्रभित्र बादललाई अहिलेदेखि नै कमजोर बनाउने रणनीतिमा ईश्वर जुटिसकेका छन् । त्यसका लागि उनले पूर्वमाओवादी समूहमा रहेका नेताहरुलाई अहिले बोलाई बोलाई विशेष महत्व दिएर भेटवार्ता गर्न थालेका छन् ।
काठमाडौंको भेलामा उनलाई पोष्टरमै समेत राखेर ओलीपछिको नेता देखाउन कोसिस गरिएको थियो । तर व्यवहारमा त्यस्तो नदेखिएपछि उनी असन्तुष्ट देखिएको स्रोतको भनाइ छ । त्यहाँ ओली पक्षका चार नेता मञ्चमा थिए । भाषण गर्ने क्रममा बादलले ईश्वरपछि आफूले बोल्न पाउने आश गरेका थिए । तर बादलको त्यो आश त्यहाँ मेटियो । सुरुमा कृष्णगोपाल श्रेष्ठ बोले, त्यसपछि बादल । तेस्रोमा ईश्वर र अन्तिममा केपी ओलीले काठमाडौंको निकट कार्यकर्ता भेलामा सम्बोधन गरे । त्यहाँ बादलभन्दा ईश्वर नै अगाडि रहेको सन्देश ओली पक्षले दियो ।
त्यसपछि खेलकुदकर्मीहरुको ललितपुरको भेलामा बादलले प्रचण्ड नेपाल समूहमा लाग्ने या केपी बादल समूहमा लाग्ने भनेर आफूलाई ओली पछिकै दोस्रो नेता देखाउन खोजे । त्यसपछि भने प्रधानमन्त्री ओलीसँग ईश्वर पोखरेलले अहिले नै बादललाई ईश्वरपछिको मात्र नेता भन्ने स्पष्ट पारिदिन आग्रह गर्न थालेको स्रोतहरुले बताएका छन् ।
बिना सिपाही एक्लै समूहमा आएको र उनको यो समूह निर्माणमा कुनै खास योगदान पनि नरहेकोलाई म कसरी सिनियर मानूँ ? हिजो एकीकृत पार्टीमा पनि म भन्दा जुनियर रहन सहमत रहेको र सरकारमा पनि आफूभन्दा मर्यादाक्रममा तल नै रहेको व्यक्तिलाई आफूले नेता मान्न नसक्ने दलिल ईश्वरले प्रधानमन्त्री ओली समक्ष गर्न थालेका छन् । पूर्व माओवादी धारका र अहिले ओली क्याम्पमा लागेका ब्यक्तिहरु बादलसँग नजोडियून भनेर अहिले पोखरेलले तिनीहरुलाई बोलाइ बोलाइ आफूसँग नजिक तुल्याउने र भित्रभित्र बादललाई अहिलेदेखि नै कमजोर बनाउने रणनीतिमा ईश्वर जुटिसकेका छन् । त्यसका लागि उनले पूर्वमाओवादी समूहमा रहेका नेताहरुलाई अहिले बोलाई बोलाई विशेष महत्व दिएर भेटवार्ता गर्न थालेका छन् ।
उनले पछिल्लो समय गिरिधारीलाल न्यौपानेसँग भेट गरेका छन् । उनी तत्कालीन नारायणकाजी श्रेष्ठ नेतृत्वको एकता केन्द्रबाट माओवादीमा आएका थिए । पछि उनले माओवादी विभाजनपछि बादल समूह रोजेका थिए । तर बादलसँगै उनी ओली समूहमा गएनन् । ओलीका मान्छेहरुले प्रदेश ५ का सांसद समेत रहेका उनलाई प्रदेश सरकारमा सहभागी गराउने देखिका अनेक आश्वासन दिलाएर आफ्नो क्याम्पमा तानेका छन् ।
बादल भने उनी पनि आफनो समूहमा रहेको बताइरहेका छन् । तर ईश्वरले बादलका मान्छे भन्नेहरुलाई बादलसँग नजिक हुन नदिई आफूतिर तानेर बादललाई फेरि थप कमजोर बनाउने रणनीति अख्तियार गरेका छन् । बादलले भने आफू पक्षका केही नेताहरुलाई ओली क्याम्पतिर तानिरहेका छन् । पूर्व माओवादी लडाकुहरुलाई बादलले आफ्नो समूहमा ल्याएर ओली क्याम्पमा प्रवेश गराइरहेका छन् । जनयुद्धका विग्रिडियर कमाण्डहरुलाई आफ्नो समूहमा ल्याउने कोशिश भैरहेको बादल निकट स्रोतले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार