हिरासतमा रहने अभियुक्तहरुलाई किताबी ज्ञान दिइने

मिना कंडेल, नवलपुर

६ माघ, काठमाडौं । गण्डकी प्रदेशका पूर्वी नवलपरासीको जिल्ला प्रहरी कार्यालयले प्रदेशमै पहिलो पटक सोमबारदेखि हिरासतमा किताब कार्यक्रम मार्फत हिरासतमा रहने अभियुक्तहरुलाई हिरासतमा किताब कार्यक्रम सार्वजनिक गरेको छ ।

विभिन्न घटनामा प्रहरीको हिरासतमा रहने गरेका अभियुक्तहरुका लागि किताब मार्फत ज्ञान दिन सकियो भने समाजमा अपराधिक घटनामा कमी आउने विश्वासका साथ हिरासतमा किताब कार्यक्रम ल्याईएको प्रहरी उपरीक्षक प्रकाश मल्लले बताए ।

जिल्ला प्रहरी कार्यालयको हिरासत भित्र हिरासतमा किताब कक्षको उद्दघाटन गर्दै गण्डकी प्रदेश प्रहरी कार्यालयका प्रमुख प्रहरी नायब महानिरीक्षक घनश्याम अर्यालले प्रहरीले विभिन्न घटनामा प्रहरीको हिरासतमा रहेका थुनुवाहरुलाई उनीहरुको भित्र बसेर पनि किताब पढने र त्यस्ता किताब बाट समाजमा परिबर्तन हुने वाताबरण तयार हुने र समाजमा अपराधिक घटनामा कमी आउने विश्वासका साथ पूर्वी नवलपरासीको जिल्ला प्रहरी कार्यालयबाट हिरासतमा किताब कार्यक्रम शुरुवात गरिएको बताए ।

प्रहरी नायब महानिरीक्षक अर्यालले प्रहरी जनताका हरेक कार्यमासँगै रहेको बताउँदै थुनुवाहरुलाई पुस्तक उपलब्ध गराउँदै थुनुवाहरु समाजमा परिबर्तनका लागि योग्य बनुन र भावानात्मक रुपमा उनीहरुको सामाजिक बिकास होस भन्ने उद्देश्यले ल्याईएको यो कार्यक्रम प्रदेशका सबै प्रहरी कार्यालयमा बिस्तार गरिने बताए । कार्यक्रममा प्रहरी उपरीक्षक प्रकाश मल्ल, पत्रकार महासंघका अध्यक्ष होमराज रानाभाट र सामुदायिक सेबा केन्द्रका अध्यक्ष नारायणी भटटराईले हिरासतमा रहेका थुन्वाहरुलाई किताब हस्तानतरण गरेका थिए ।

यसैबीच प्रहरी नायब महानिरीक्षक अर्यालले गण्डकी प्रदेशमा रहेका जिल्ला प्रहरी प्रमुखहरु मध्ये पूर्बी नवलपरासीका प्रहरी उपरीक्षक प्रकाश मल्ल प्रदेशकै उत्कृष्ट प्रहरी प्रमुखका रुपमा घोषणा गरेका थिए । प्रहरीले स्थापना गरेको हिरासतमा किताब कक्षमा साहित्यदेखि धेरै बिधाका पुस्तकहरु राखिएको प्रहरी उपरीक्षक प्रकाश मल्लले बताए ।