२६ लघुवित्तको लाभांश घोषणाः पन्ध्रले गरे बुक क्लोज, बाँकीको कहिले ?

६ माघ, काठमाडौं । नेपाल स्टक एक्सचेञ्ज (नेप्से)मा सुचिकृत लघुवित्त वित्तीय संस्थाहरुमध्ये २६ वटा लघुवित्त वित्तीय संस्थाहरुले आर्थिक वर्ष २०७६/७७ को लाभांश घोषणा गरेका छन् । अन्य लघुवित्त संस्था पनि यतिबेला लाभांश घोषणाको तयारीमा जुटेका छन् ।

हालसम्म लाभांश प्रस्ताव गरेका २६ वटा लघुवित्त वित्तीय संस्थाहरुमध्ये अधिकांश लघुवित्त वित्तीय संस्थाहरुले साधारण सभाको लागि बुकक्लोज गरिसकेका छन् भने केही लघुवित्त वित्तीय संस्थाहरुले भने बुक क्लोज मिति तय गरेका छैनन्।

लाभांश प्रस्तावित लघुवित्त वित्तीय संस्थामध्ये १५ वटा लघवित्त वित्तीय संस्थाहरुले बुक क्लोज गरिसकेका छन् । अब यी १५ वटा लघुवित्तको शेयर किन्नले आर्थिक वर्ष २०७६ /७७ को लाभांश पाउदैनन् ।

यी हुन् बुक क्लोज गरिसकेका १५ लघुवित्त

मेरो माईक्रोफाइनान्स लघुवित्त वित्तीय संस्थाले आर्थिक वर्ष ०७६/७७ को मुनाफाबाट १७.८३ प्रतिशत लाभांश घोषणा गरेको छ । लघुवित्तले शेयरधनीलाई १६.९४ प्रतिशत बोनस शेयर ०.८९१ प्रतिशत नगदसहित कूल १७.८३ प्रतिशत लाभांश घोषणा गरेको हो ।

त्यस्तै, लक्ष्मी लघुवित्तले १५ प्रतिशत बोनस शेयर ८.१६ नगदसहित कूल २३.१६ प्रतिशत लाभांश, विजय लघुवित्तले शेयरधनीलाई १९ प्रतिशत बोनश शेयर १ प्रतिशत नगदसहित कूल २० प्रतिशत, साना किसान लघुवित्तले २५ प्रतिशत बोनस १.३१५ प्रतिशत नगदसहित कूल २६.६२ प्रतिशत लाभांश, साधना लघुवित्तले १९ प्रतिशत बोनस शेयर १ प्रतिशत नगद लाभांश गरी कूल २० प्रतिशत लाभांश घोषणा गरेको छ ।

त्यस्तै, वोमी लघुवित्तले शेयरधनीलाई ३० प्रतिशत बोनस शेयर दिने घोषणा गरेको छ । छिमेक लघुवित्तले २२ प्रतिशत बोनस शेयर ७ प्रतिशत नगदसहित कूल २९ प्रतिशत, ग्लोबल आईएमई लघुवित्तले २७.४७ बोनस शेयर १.४५ नगदसहित कूल २८.९२ प्रतिशत, स्पर्ष लघुवित्तले १९.५ प्रतिशत बोनस शेयर १.०३ प्रतिशत नगद सहित कूल २०.५३ प्रतिशत, एनएमबी माईक्रोफाइनान्सले १९ बोनस शेयर १ प्रतिशत नगदसहित कूल २० प्रतिशत लाभांश दिने प्रस्ताव गरेका छन् ।

त्यस्तै आशा लघुवित्तले १५ प्रतिशत बोनस शेयर ०.७८९ नगद सहित कूल १५.७९ प्रतिशत, आरएसडिसी लघुवित्तले १५ प्रतिशत बोनस शेयर ५ प्रतिशत नगदसहित कूल २० प्रतिशत, ममता माईक्रोफाइनान्सले २० प्रतिशत बोनस शेयर ६.६२ प्रतिशत नगदसहित कूल २६.६२ प्रतिशत, आरएसडिसी लघुवित्तले १५ प्रतिशत बोनस शेयर ५ प्रतिशत नगदसहित कूल २० प्रतिशत र फस्र्ट माईक्रोफाइनान्सले ९.५ प्रतिशत बोनस शेयर ४.१८४ प्रतिशत नगदसहित कूल १३.६७ प्रतिशत लाभांश घोषणा गरेको छ ।

त्यस्तै, लाभांश प्रस्ताव गरेको २६ लघुवित्तमध्ये १० वटा लघुवित्तले भने बुक क्लोजको मिति तय गर्न बाँकी रहेको छ । अब यी ९ वटा लघुवित्तको शेयर किन्नेले आर्थिक वर्ष २०६७ /७७ को लाभांश पाउन योग्य हुनेछन् । त्यसैगरी इन्फिनिटि लघुवित्त वित्तीय संस्थाले शुक्रबार माघ ९ गते बुक क्लोज गर्दैछ । त्यसकारण माघ ८ गतेसम्म नेप्सेमा कारोबार भई कायम शेयरधनीले कम्पनीको १५ प्रतिशत लाभांश प्राप्त गर्न सक्नेछन् ।

यी हुन् बुक क्लोज गर्न बाँकी १० लघुवित्तहरु

मिर्मिरे लघुवित्त वित्तीय संस्थाले आर्थिक वर्ष ०७६/७७को मूनाफाबाट ९.२ बोनस र ०.४८२ नगद गरी शेयरधनीलाई कूल ९.६८२ प्रतिशत लाभांश प्रस्ताव गरेको छ । त्यस्तै, स्वाभिमान लघुवित्त २० बोनस १.०५ नगद गरी शेयरधनीलाई कूल २१.०५ प्रतिशत, स्वोरोजगार लघुवित्त वित्तीय संस्थाले १३.२७३ बोनस ०.६९८ नगद गरी शेयरधनीलाई १३.९७२ प्रतिशत, स्वालम्बन लघुवित्त १९.०१ बोनस र १ नगद गरी शेयरधनीलाई कूल २०.००६ प्रतिशत, नेशनल माईक्रोफाइनान्स २१ बोनस र ६ नगद गरी शेयरधनीलाइ २७ प्रतिशत लाभांश प्रस्ताव गरेका छन्।

त्यस्तै, गणपति माईक्रोफाइनान्स १५ बोनस ०.७९ नगद सहित कूल १५.७९ प्रतिशत, फरर्वाड कम्युनिटी माईक्रोफाइनान्स २५ बोनस ६.५८ नगद सहित कूल ३१.५८ प्रतिशत लाभांश, निर्धन उत्थान लघुवित्त १३ बोनस ०.६८ नगद सहित कूल १३.६८ प्रतिशत लाभांश, नेरुडे लघुवित्त ८ बोनस ०.४२ नगद सहित कूल ८।४२ प्रतिशत लाभांश, सिभिल लघुवित्त ३.५ बोनस ०.१८४ नगदसहित कूल ३.६८४२ प्रतिशत लाभांशर इन्फिनिटी लघुवित्तको १४.२५ प्रतिशत बोनस शेयर ०.७५ नगदसहित शेयरधनीलाई कूल १५ प्रतिशत लाभांश प्रस्ताव गरेका छन् ।