प्रहरीका लेखा प्रमुखलाई बजेट शाखाका एसपी पाण्डेको आतंक

 ७ माघ, काठमाडाैं ।  प्रहरी प्रधान कार्यालयस्थित बजेट महाशाखा यतिबेला नराम्रोसँग गन्हाउन थालेको छ । प्रहरी महानिरिक्षक शैलेश थापा क्षेत्री आर्थिक पारदर्शितामा अत्यन्तै संवेदनशील रहेपनि उनी मातहत रहेको बजेट महाशाखा भने त्यहाँ रहेका एसपी हिराबहादुर पाण्डेका कारण सकारात्मक भन्दा नकरात्मक अवस्थातिर उन्मुख हुँदा आर्थिक रुपमा गन्हाउन थालेको स्रोतको दावी छ ।

आफूलाई अब्बल प्रहरी अधिकृत मान्ने एसपी पाण्डेका हर्कतले मातहतका लेखा कार्यालयमा रहेका लेखा अधिकृतहरुले पाण्डेको विषयमा प्रहरी महानिरीक्षकको सचिवालयमा उजुरी गरेपनि त्यहाँबाट पनि सुनुवाई हुन सकेको छैन । खासगरी इलामबाट सरुवा हुँदै महाशाखा आउने बेलामै इलामका एक लेखा अधिकृतलाई उनले थर्काएर आएका थिए ।

‘इलामस्थित एक इलाका प्रहरी कार्यालयका इन्चार्ज रहेका एक इन्स्पेक्टरसँग उनको खटपट परेको र त्यसबेला लेखामा रहेका अधिकृतलाई बजेट कटाइदिन्छु भन्दै धक्म्याएर आएका रहेनछन् , अहिले इलाममा मात्रै होइन, देशका विभिन्न कार्यालयका लेखा अधिकृतलाई मनोवैज्ञानिक रुपमा धम्क्यान थालेका छन्’, प्रहरी प्रधान कार्यालय स्रोतले भन्यो ।

आर्थिक प्रशासन शाखामा रहेका पुरुषोत्तम कँडेल हाल डीआईजीमा बढुवा भएर प्रबन्ध महशाखामा पुगेपछि उनले एकलौटी रुपमा हालिमुहाली गर्न थालेका छन् । उनले बाँके, बर्दिया, कैलाली, रुपन्देही लगायतका लेखा प्रमुखलाई म बजेट शाखामा छु भन्ने थाहा छ होला नि भन्दै धम्क्याउने र बजेट कटौति गरिदिने धम्की दिने गरेका छन् । ‘मोबाइलबाटै कति जनालाई धम्क्याएको हामीले थाहा पाएका छौ, म अनुगमनमा आउँदै छु भनेर आतंकित पारेका छन् ’, प्रहरी प्रधान कार्यालय स्रोतले भन्यो ।

उनी अहिले मात्रै होइन विगतमा पनि विवादित पात्र रहेको नेपाल प्रहरीभित्र चर्चा चल्ने गरेको छ । २०७५ सालमा सुनसरीको दुहबीमा इँटा व्यवसायी मोहम्मद फिदा हुसेनको गोली हानी हत्या हुँदा उनी सीआईबीमा थिए । त्यतिबेला भुटाहामा शिक्षक खुर्सिद आलमको हत्याबारे अनुसन्धान जारी रहेकै वेला हुसेन मारिएका थिए ।

त्यतिबेला विशेष ब्युरोबाट वरिष्ठ उपरीक्षक (एसएसपी) मसउँद आलम खाँको नेतृत्वमा एक टोली र सीआईबीका तत्कालिन प्रहरी नायब उपरीक्षक (डिएसपी) हिराबहादुर पाण्डे र अर्का एकजना प्रहरी निरीक्षकको गरी दुईजनाको अर्को टोली सुनसरी पुगेको थियो । सो घट्नामा उनले राम्रो अनुसन्धान नगरेको भनेर अर्को टोली खटाइएको थियो । त्यतिमात्र होइन, उनलाई त्यतिबेला जगेडामा समेत राखिएको थियो ।
त्यस्तै २०७३ सालमा इलाका प्रहरी कार्यालय लाहान बस्दा पनि विवादित भएका थिए ।

१३ बर्षीय बालिकालाई यौन दुर्व्यवहार गरेको उजुरी गर्दा पनि लामो समयसम्म पीडितलाई पक्राउ नगरी बस्दा प्रहरी प्रधान कार्यालयले नै ताकेता गर्नुपरेको थियो । पछि २५ बर्षीय विनोद महरालाई पक्राउ गरी बुझाइएको थियो । २०७४ को स्थानीय निर्वाचनको बेला उनले स्थानीय बासिन्दालाई दूर्व्वहार गरेका थिए । उनको विरुद्ध नारावाजी समेत भएको थियो ।

झन इलामको एसपी हुँदा त उनले मातहत निकायलाई सताउनसम्म सताएका थिए । बजेट महाशाखामा पनि उनले राम्रो दक्षता देखाउन नसकेको प्रहरी प्रधान कार्यालय स्रोतले जनाएको छ ।