केटी साथीलाई फेसबुकमार्फत अश्लिल सामग्री पठाउने नियन्त्रणमा

७ माघ, काठमाडौं । फेसबुक मेसेन्जरमार्फत केटी साथीलाई अश्लिल सामग्री पठाउने एक युवकलाई प्रहरीले नियन्त्रणमा लिएको छ ।सल्यान कुमख गाउँपालिका-४ सेराडाडाका ३६ वर्षीय रमेश शाही भन्ने रवि शाहीलाई प्रहरीले नियन्त्रणमा लिएको हो

उनले आफ्नै साथीलाई फेसबुक मेसेन्जरमार्फत अश्लिल भिडिओ, फोटो तथा सन्देश पठाई यौन उत्पीडन तथा हैरानी दिएको आरोपमा साइबर ब्युरोले उनलाई पक्राउ गरेको बताइएको छ ।

शाहीविरूद्ध काठमाडौं जिल्ला अदालतबाट पक्राउ अनुमति लिई जिल्ला प्रहरी कार्यालय, सल्यानको सहयोगमा साइबर ब्युरोले सोमबार पक्राउ गरेको हो। उनीमाथि विद्युतीय ‘इलेक्ट्रोनिक’ कारोबार ऐन, २०६३ अन्तर्गत प्रहरीले अनुसन्धान अघि बढाएको छ।